5:335  CATECHISMUS.  eo  vitam  aeternam  obtineamus.  Quemadmodum  ait  hanc  esse  vitam  aeternam,  Nosse  unum  Deum  patrem,  et  quem  ille  misit  Iesum  Christum  (Ioann.  17,  3).  Item:  Qui  credit  in  me,  non  morietur  in  aeternum;  quod  si  mortuus  fuerit,  vivet  (Ioann,  l  l  ,  26).  Qui  vero  istud  fiat,  nos  qui  peccatorum  sordibus  contaminati  sumus,  in  ipso  emundari  oportet:  quia  in  regnum  Dei  nihil  inquinatum  ingredietur.  Nos  ergo  sic  facit  sui  participes,  ut  qui  peccatores  in  nobis  sumus,  illius  iustitia  coram  throno  Dei  iusti  reputemur  atque  ita  propria  iustitia  spoliati,  Christi  iustitia  induimur:  et  operibus  iniusti,  Christi  fide  iustificamur.  Fide  enim  iustificari  dicimur,  [pag.  20]  non  quia  aliqua  iustitia  nos  intus  imbuamur:  sed  quia  Christi  iustitia,  perinde  ac  si  nostra  esset,  nobis  accepta  fertur,  propria  iniquitate  nequaquam  nobis  imputata:  ut  hunc  iustitiam  uno  verbo  vere  appellare  peccatorum  remissionem  liceat.  Quod  perspicue  declarat  apostolus,  dum  operum  iustitiam  cum  fidei  iustitia  saepius  confert,  alteraque  alteram  everti  docet  (Rom.  10,  3;  Phil.  3,  9).  Qua  autem  ratione  hanc  iustitiam  meritus  sit  nobis  Christus,  et  quibus  partibus  contineatur,  in  symbolo  videbimus,  ubi  omnia  singulatim  recensentur,  quibus  fides  nostra  fundata  est  ac  nititur.  PER  FIDEM  SANCTIFICAMUR  IN  LEGIS  OBEDIENTIAM.  Quemadmodum  sua  iustitia  Christus  apud  patrem  pro  nobis  intercedit,  ut  eo  veluti  sponsore  pro  iustis  censeamur:  ita  spiritus  sui  participatione  ad  JM&E짠m  puritatem^  et  innocentiam  sanctificat.  Siquidem  requievit  super  eum  spiritus  Domini  citra  mensuram:  spiritus,  inquam,  sapientiae  et  intellectus,  consilii,  fortitudinis,  scientiae,  timoris  Domini  (Ies.  61,  1;  item  l  l  ,  2):  ut  de  eius  plenitudine  hauriamus  omnes,  et  gratiam  pro  gratia  (Ioann.  1,  16).  Falluntur  ergo,  qui  fide  Christi  gloriantur,  sanctificatione  spiritus  eius  prorsus  destituti.  Christum  factum  esse  nobis  non  iustitiam  modo,  sed  sanctificationem  quoque,  scriptura  docet.  Proinde  recipi  a  nobis  iustitia  eius  fide  non  potest,  quin  illam  sanctificationem  simul  amplectamur.  Eodem  enim  pacto  Dominus,  quod  in  Christo  nobiscum  ferit,  se  nostris  iniquitatibus  propitium  fore,  et  legem  suam  cordibus  nostris  inscripturum  pollicetur  (Ier.  31,  33).  Non  ergo  nostrae  facultatis  opus  est,  legis  observatio,  sed  spiritualis  [pag.  21]  virtutis:  qua  fit,  ut  corda  nostra  a  sua  corruptione  repurgentur,  et  ad  iustitiae  obedientiam  emolliantur.  Iam  vero  longe  alius  legis  usus  est  Christianis,  quam  qui  sine  fide  esse  possit.  Ubi  enim  cordibus  nostris  iustitiae  suae  amorem  insculpsit  Dominus,  externa  legis  doctrina,  quae  antea  nihil  quam  tum  imbecillitatis,  tum  transgressionis  nos  accusabat,  nunc  lucerna  est  pedibus