49:335  335  EPIST.  PAULI  AD  CORINTHIOS  I  336  timorem  infirmitati  subiungat,  et  infirmitas  significet  quidquid  eum  contemptibilem  reddere  potuit:  consequens  est  ut  hic  timor  periculis  et  difficultatibus  respondeat.  At  vero  talem  hunc  fuisse  timorem  certum  est,  qui  Paulum  ab  opere  Domini  exsequendo  non  impedierit,  sicut  res  testatur.  Servi  Domini  nec  ita  stupidi  sunt  quin  pericula  impendentia  videant,  nec  ita  ferrei  quin  illis  moveantur:  quinetiam  affici  eos  serio  timore  ob  duas  praecipue  causas  necesse  est:  nempe  ut  apud  se  deiecti  se  totos  in  solum  Deum  inclinare  et  recumbere  discant:  deinde  ut  erudiantur  ad  veram  sui  abnegationem.  Timoris  ergo  sensu  vacuus  non  fuit  Paulus:  sed  ita  timori  imperavit,  ut  intrepide  nihilominus  per  media  discrimina  pergeret:  ut  invicta  constantia  et  fortitudine  exciperet  omnes  Satanae  et  mundi  insultus  :  denique  ut  per  omnes  remoras  eluctaretur.  4.  Et  praedicatio  mea  non  in  persuasoriis.  Vocat  persuasoria  humanae  sapientiae  verba  exquisitam  eloquutionem,  quae  artificio  magis  quam  veritate  nitatur  ac  pugnet:  et  simul  subtilitatis  speciem,  quae  hominum  mentes  alliciat.  Et  merito  humanae  sapientiae  tribuit  TO  m-fravov.  Verbum  enim  Domini  maiestate  sua  tanquam  violento  impulsu  nos  ad  obediendum  sibi  cogit:  humana  autem  sapientia  suas  habet  illecebras,  quibus  irrepat,  et  suum  quasi  lenocinium,  quo  sibi  conciliet  auditorum  animos.  Huic  d  e  m  o  n  s  t  r  a  t  i  o  n  e  m  s  p  i  r  i  t  u  s  et  pot  e  n  t  i  a  e  opponit:  quam  plerique  ad  miracula  restringunt,  ego  autem  latius  accipio,  nempe  pro  manu  Dei  potenter  se  modis  omnibus  per  apostolum  exserente.  Spiritum  et  potentiam  vel  pro  spirituali  potentia  xao*'  orcaXXayijv  videtur  posuisse:  vel  certe  ut  per  signa  et  effectus  exponeret  qualiter  apparuisset  in  suo  ministerio  praesentia  spiritus.  Et  apte  nomine  aTcooei^soec  vel  demonstrationis  usus  est.  Nam  quae  nostra  est  in  considerandis  Dei  operibus  hebetudo,  quum  adhibet  inferiora  organa,  quasi  velis  quibusdam  obtecta  est  eius  virtus  quominus  liquido  nobis  pateat:  in  Pauli  autem  ministerio  promovendo,  quia  nullum  carnis  aut  mundi  adminiculum  operabatur,  quasi  nuda  Dei  manus  se  proferebat:  certe  magis  conspicua  erat  eius  virtus.  5.  Ut  fides  vestra  non  in  sapientia  hominum.  Esse  hic  pro  consistere  capitur.  Hoc  ergo  boni  Corinthios  habere  significat,  ex  eo  quod  non  humana  sapientia  fretus  apud  eos  Christum  praedicaverit:  sed  sola  spiritus  virtute,  ut  fides  eorum  fundata  sit,  non  in  hominibus,  sea  in  Deo.  Si  fulta  fuisset  solis  eloquentiae  viribus  apostoli  praedicatio,  poterat  subverti  maiore  eloquentia:  deinde  nemo  solidam  veritatem  dixerit  quae  splendore  orationis  nitatur:  adiuvari  quidem  potest,  sed  niti  non  debet.  Validissima  autem  sit  oportet,  quae  subsidiis  omnibus