20:335  335  EPISTOLA  4125  336  delicet  parte,  qua  mittitur  in  corda  fidelium  et  qua  est  spiritus  vivificans,  et  testimonium  conscientiae  nostrae  perhibens,  quod  simus  filii  Dei,  et  in  illo  clamemus:  Abba  pater.  Aeque  itaque  filium  mittere  aiunt  spiritum  sanctum,  sicut  et  patrem,  et  hoc  ipsum  operari  in  mentibus  fidelium,  quod  pater  et  filius  vult.  Illa  tamen  aeterna  processio  iuxta  Graecorum  sententiam  a  BOIO  patre  fit.  Si  enim,  inquiunt,  ab  utroque  est  processio,  duo  principia  statui  et  ex  consequentia  plures  Deos.  Ac  eo  modo  faciunt  et  constituunt  discrimen  inter  processionem  et  missionem  spiritus  sancti:  processionem  soli  patri  tribuunt,  missionem  utrique  ad  ecclesiam  in  corda  fidelium.  Ex  his  et  similibus  doctrinis  inferre  et  concludere  conantur,  totam  doctrinam  in  papatu,  etiam  de  hoc  fidei  nostrae  fundamento  fuisse  corruptam,  nihilque  intactum  reliquisse  Antichristum,  quod  tetris  et  horrendis  ille  abominationibus  non  contaminaret,  non  pollueret,  non  profanaret.  Trinitarii  contra  concedunt  quidem  reliqua  omnia  pessumdata  fuisse  in  papatu:  haec  vero  de  primario  fidei  nostrae  fundamento,  singulari  Dei  beneficio,  illibata  et  inviolata  permansisse,  et  illa  tantum  parte  status  ac  ordines  imperiorum  serenissimi  regis  et  principis  nostri,  ac  ipsosmet  in  primis  principes,  senatum  populumque  regni  Poloniae  et  magni  ducatus  Lithuaniae,  apud  serenissimum  regem  nostrum  reformationem  ecclesiarum  contra  papistas  urgere  debere  :  ab  ista  vero  parte  -  de  trinitate,  ne  latum  quidem  unguem  a  doctrina  papistica  oportere  discedi,  nisi  prorsus  Epicuraei  Atheique  esse  velimus.  Hic  vero,  Deus  bone,  quanta  est  ab  altera  parte  coacervatio  sententiarum  ex  libris  papisticis,  ac  potissimum  ex  illis,  quos  illi  missalia,  horaria,  diurnalia  vulgo  vocant,  nec  non  ex  usitatis  cantilenis,  tam  latinis  quam  polonicis,  papisticis  pariter  et  evangelicis,  quae  publice  leguntur  ac  canuntur  in  templis  et  in  plateis.  Verbi  gratia:  Suscipe  sancta  trinitas  hanc  oblationem  in  memoriam  domini  nostri  Iesu  Christi.  Item  in  die  purificationis  :  *)  Benedico  te  creatura  cerae  in  nomine  Dei  nostri  et  sanctae  trinitatis.  Per  dominum  nostrum  Iesum  Christum,  qui  tecum  et  cum  spiritu  sancto  vivit  Deus,  per  omnia  ete.  Item  ibidem:  Domine  Deus  pater  omnipotens,  precamur  te  per  intercessionem  S.  Mariae  genitricis  tuae,  propitius  sis  omnibus  clamantibus  ad  te,  quos  redemisti  pretioso  sanguine  tuo.  Item  in  die  s.  trinitatis:  Omnipotens,  sempiterne  Deus,  qui  dedisti  famulis  tuis  aeternae  trinitatis  gloriam  agnoscere,  qui  in  trinitate  unus  Deus  ete.  Ex  quibus  et  similibus  sententiis,  quarum  libri  papistici,  quin  et  quorumdam  evangelicorum  pleni  sunt,  in-  4125.  1)  In  missali  Oacoviensi  sumptibus  Halleri  impresso  S.