1:335  INSTITUTIO  REL.  CHRIST.  1539  .  1554.  interiorem  hominem;  video  autem  aliam  legem  in  membris  meis,  repugnantem  legi  mentis  meae.  Quis  in  se  tale  dissidium  habeat,  nisi  qui  spiritu  Dei  regeneratus  reliquias  carnis  suae  circumfert?  Proinde  Augustinus,1)  quum  orationem  illam  de  hominis  natura  aliquando  accepisset,  interpretationem  suam  tanquam  falsam  et  male  congruentem  retractavit.  Et  vero  si  illud  recipimus,  homines  sine  gratia  habere  quamlibet  pusillos,  aliquos  tamen  ad  bonum  motus,  quid  respondebimus  apostolo,  neganti  (2  Cor.  3,  5)  vel  ad  cogitandum  aliquid  nos  esse  idoneos?  Quid  Domino  per  Mosen  (Gen.  8,  21)  pronuntianti,  omne  figmentum  humani  cordis  tantummodo  malum  esse?  Quum  ergo  falsa  loci  unius  sententia  impegerint,  non  est  quod  eorum  sententiam  moremur.  Potius  valeat  hoc  Christi  (Ioan.  8,  34):  qui  facit  peccatum,  servum  esse  peccati.  Peccatores  sumus  onines  natura;  itaque  sub  peccati  iugo  detinemur.  Quod  si  totus  homo  peccati  imperio  subiacet,  ipsam  certe  voluntatem,  quae  praecipua  est  eius  sedes,  arctissimis  vinculis  constringi  necesse  est.  47.  Sed  melius  homo  utraque  animae  parte  cognosci  non  potest,  quam  si  cum  suis  elogiis  in  medium  prodeat,  quibus  a  scriptura  insignitur.  Si  totus  depingitur  his  Christi  verbis  (Ioan.  3,  6)  :  quod  natum  est  ex  carne  caro  est,  ut  evincere  promptum  est:  valde  miserum  esse  animal,  convincitur.  Affectus  enim  carnis,  teste  apostolo  (Rom.  8,  6),  mors  est;  quandoquidem  inimicitia  est,  adversus  Deum,  eoque  legi  Dei  nec  subditur  nec  subdi  potest.  Itane  est  perversa  caro,  ut  toto  suo  aifectu  simultatem  adversus  Deum  exerceat?  ut  cum  legis  divinae  iustitia  consentire  nequeat?  ut  nihil  denique  parere  queat,  nisi  mortis  materiam?  Nunc  fac  in  hominis  natura  nihil  esse  nisi  carnem:  et  inde  quidpiam,  si  potes,  boni  elice.  At  carnis  vocabulum  ad  sensualem  pertinet  tantum,  non  ad  superiorem  animae  partem.  Id  vero  ex  verbis  et  Christi  et  apostoli  abunde  refellitur.  Argumentum  est  Domini:  oportere  hominem  renasci,  quia  caro  est.  Non  secundum  corpus  renasci  praecipit.  Anima  autem  non  renascitur,  si  corrigatur  aliqua  eius-  portio;  sed  ubi  tota  renovatur.  Idque  confirmat  utroque  loco  posita  antithesis;  sic  enim  carni  comparatur  spiritus,  ut  nihil  relinquatur  medium.  Ergo  quidquid  non  est  spirituale  in  homine,  secundum  eam  rationem  dicitur  carneum.  Nihil  autem  habemus  spiritus,  nisi  per  regenerationem.  Est  igitur  caro,  quidquid  habemus  a  natura.  Verum  de  ea  re  si  qua  alias  posset  esse  dubitatio,  ea  nobis  a  Paulo'  tollitur  (Eph.  4,  23)  ubi  descripto  veteri  homine,  quem  dixerat  corruptum  esse  concupiscentiis  erroris,  iubet  nos  renovari  spiritu  mentis  nostrae.  Vides  eum  non  ponere  illicitas  1)  Lib.  ad  Bonifac.  1.  c.  10.  et  in  Retract.  1,  15.  23.  26.