8:334  peccatis  tales  poenas  infligi.  Nos  vero,  quod  innumeris  scripturae  testimoniis  passim  expressum  est,  non  negamus:  Deum  excaecatione  et  aliis  modis,  et  gratiae  suae  contemptum,  et  superbiam,  et  contumaciam,  et  alia  scelera  ulcisci.  Nam  singulares  poenae  quarum  passim  fit  mentio,  ad  generalem  illam  sententiam  referri  debent:  coniici  in  sensum  reprobum,  et  in  cupiditates  ignominiosas  tradi,  qui  Deum  cognitum  non  timuerunt,  nec  reveriti  sunt,  ut  decebat.  (Rom.  1,  26).  Qua  de  re  iterum  postea  fusius.  Verum,  etsi  Dominus  impios  furore  et  vertigine  percutiens,  quam  meriti  sunt  mercedem  illis  rependit:  non  tamen  id  obstat,  quo  minus  reprobos  omnes  maneat  caecitas  et  obstinata  cordis  durities.  Quum  dicitur  obduratus  esse  Pharao,  iam  dignus  erat  quem  Deus  Satanae  manciparet.  Sed  quod  prius  a  Deo  in  hoc  ipsum  excitatus  esset,  simul  admonet  Moyses.  (Exod.  10,  20).  Nec  vero  Paulus  aliam  causam  adducit,  nisi  quod  unus  esset  e  reprobis.  (Rom.  9,  17).  Sic  demonstrat  idem  Paulus,  quum  Iudaei  intelligentiae  luce  l)  privati,  in  horribiles  tenebras  delapsi  sunt,  poenas  [pag.  152]  iustas  impii  divinae  gratiae  contemptus  hoc  modo  ipsos  dedisse:  neque  tamen  excaecationem  hanc  reprobis  omnibus  constitutam  fuisse  dissimulat.  Reliquias  enim  servatas  fuisse  docet,  secundum  electionem  gratuitam,  reliquos  omnes  fuisse  excaecatos  (Rom.  l  l  ,  5).  Si  reliqui  omnes,  in  quorum  salutem  non  regnat  Dei  electio,  excaecantur:  certe  palam  constat,  eosdem  qui  sua  rebellione  iram  Dei  provocando,  novam  excaecationem  sibi  accersunt,  iam  ab  initio  caecitati  fuisse  devotos.  Et  clara  sunt  Pauli  verba  (Rom.  9,  22),  vasa  irae  esse  pridem  ad  interitum  praeparata,  quicunque  spiritu  adoptionis  destituti  propria  culpa  se  ipsos  praecipitant.  Equidem  cum  Augustino2)  fateri  non  recuso,  in  occultis  Dei  iudiciis  aliquid  praecedere:  sed  occultum.  Nam  inaccessibili  secreto  ab  humana  cogitatione  seclusum  est,  quomodo  et  impium  damnet  Deus,  et  iustificet  impium.  Ergo  satius  nihil  restat,  quam  cum  Paulo  expavescere:  quia  iudicia  eius,  abyssus  multa.  (Rom.  l  l  ,  33).  Pergit  deinde3)  Georgius:  Nullam  reperiri  syllabam  in  tota  scriptura,  unde  colligere  liceat,  excaecari  qui  aeterno  Dei  iudicio  reprobati  sunt:  et  quidquid  de  praedestinatione  tradimus,  philosophica  tantum  argutia  niti:  quod  Deum  nihil  eorum  lateat  quae  futura  sunt:  quaecunque  autem  praevidit,  necessario  eveniant.  Nihil  dico,  nisi  quod  tam  crassum  mendacium  [pag.  153]  libri  nostri  refellunt.4)  1)  clairte  de  vie.  2)  Lib.  contra  Faust.  21  cap.  2  et  3.  3)  Apres  que  le  moine  a  fait  un  si  beau  preambule,  il  dit.4  )  Hoc  comma  deest  apud  Gallum-