7:334  rat  in  ecclesia,  mirum  cur  non  inde  potius  mutuetur  argumenta  1  Cor.  15  apostolus  ad  probandam  resurrectionem,  quam  ex  aliis  quibusdam  locis.  Satis  enim  nervorum  habuisset  argumentum,  si  rogasset:  Ecquid  ergo  oratur  pro  mortuis,  ut  a  morte  liberentur  et  veram  adipiscantur  resurrectionem,  si  mortui  omnino  non  resurgunt?  Quantum  ad  veteres  attinet,  quotquot  in  eorum  scriptis  exstant  conciones  in  martyrum  memoriam  habitae,  nullum  postulandae  eorum  gloriae  apiculum  continent.  Atqui  si  de  mortuorum  resurrectione  solliciti  erant,  eorum  resurrectionem  debebant  potissimum  expetere,  quos  persuasi  erant  in  Domino  vere  esse  mortuos.  Hoc  ergo  eorum  exemplum  nobib  quoque,  sicut  scripturae  doctrina,  suffragatur.  His  recitatis,  praeposteram  ac  importunam  agendi  rationem,  quam  tenuerat  Carolus  in  hoc  dogmate  publicando,  Viretus  exposuit.  Nam  quum  nullam  unquam  mentionem  fecisset  eius  rei  coram  Vireto,  dum  hic  Genevam  invisit,  ille  [pag.  83]  praeter  hominum  opinionem,  quum  placide  docere  populum  deberet  pro  suggestu,  subito  in  contentiosam  disputationem  prorupit,  quae  nihil  simile  haberet  cum  forma  sacrae  concionis.  Legebat  enim  praeclara  illa  axiomata  et,  quum  singulis  insisteret,  se  tumultuose  commovebat  ac  si  cum  manu  armata  digladiaretur.  Neque  tamen  satis  animadvertebant  etiam  qui  erant  ex  auditoribus  doctissimi,  unde  erumperet  tantus  impetus,  aut  quorsum  evaderet,  nisi  quod  quum  in  fine  diceret  se  nolle  doceri  a  iuvene,  suspicati  sunt  Viretum  ab  eo  perstringi.  Neque  vero  papistis  consentiebat,  nam  figmenta  eorum  omnia  de  purgatorio  clamabat  vana  esse,  et  cum  ratione  pugnantia:  nullum  enim  esse  purgatorium  ignem,  nullas  mortuorum  poenas,  pro  quibus  precationes  fieri  vellet;  nec  in  praesens  sublevari  ullis  vivorum  suffragiis,  sed  tantum  pro  ipsis  orandum  e*sse  ut  diem  iudicii  Deus  acceleret:  hanc  orationis  speciem  in  primo  gradu  prodesse  virgini  Mariae,  prophetis  et  apostolis,  postea  in  universum  aliis  ecclesiae  membris.  Hoc  Vireto  quum  nunciatum  foret,  mox  repetiit  Lausannam,  ac  cum  illo  bono  viro  expostulavit  quod,  se  inscio,  novam  doctrinam  sparsisset.  Ego  certe,  dicebat,  collega  sum.  Eam  inter  nos  communicationem  esse  decet  ut  neuter  in  docendi  ratione  quidquam  ab  altero  separatum  habere  debeat.  Si  quid  mysterii  habes  tibi  revelatum,  ne  graveris  me  participem  [pag.  841  facere.  Nosti  me  esse  docilem;  libenter  amplectar  si  quid  ex  te  audiero  melius  quam  hactenus  didici:  sin  temere  aliquid  effutivisti,  patieris  te  admoneri  a  collega  et  amico.  Hac  oratione  quum  nihil  aequius  fingi  possit,  eam  tamen  non  minore  superbia  repudiavit  ille  thraso  quam  initio  eum  contempserat.  Longum  esset  reliqua  omnia  narrare,  nec  possum  om-