55:334  cuntur,  quia  sincero  cordis  affectu  ad  iustitiam  adspirant.  Dicuntur  non  peccare:  quia  et  si  carnis  infirmitate  labuntur,  peccato  tamen  non  consentiunt:  quin  potius  gemendo  luctantur,  ut  vere  testari  cum  Paulo  (Rom.  7,  19)  queant  se  malum  facere  quod  nolunt.  Manere  in  Christo  fideles  dicit,  quia  fide  in  eum  inserimur,  et  unum  efficimur  cum  ipso.  6.  Quisquis  peccat,  non  vidit  eum.  Oppositum  membrum  suo  more  addidit,  ut  sciamus  falso  praetexi  Christi  fidem  et  notitiam  absque  vitae  novitate.  Nusquam  enim  otiosus  est  Christus,  ubi  regnat:  sed  spiritus  sui  virtutem  exserit.  Proprium  autem  eius  esse  dictum  est,  peccatum  fugare,  non  secus  atque  sol  fulgore  suo  tenebras  dispellit.  Atque  iterum  hoc  loco  docemur  quam  viva  res  sit  et  efficax  Christi  cognitio  :  nempe  quae  nos  in  eius  imaginem  transformat.  Ita  per  affectum  et  notitiam,  nihil  aliud  intelligitur  quam  fides.  7.  Filioli,  nemo  vos  decipiat:  qui  facit  iustitiam  iustus  es^  quemadmodum  HU  iustus  est.  8.  Qui  facit  peccatum,  ex  diabolo  est:  quia  ab  initio  diabolus  peccat.  In  hoc  manifestatus  est  filius  Dei,  ut  solvat  opera  diaboli.  9.  Quisquis  natus  est  ex  Deo,  peccatum  non  facit,  quoniam  semen  eius  in  ipso  manet.  Et  non  potest  peccare,  quia  ex  Deo  genitus  est.  10.  In  hoc  manifesti  sunt  filii  Dei  et  filii  diaboli.  7.  Qui  facit  iustitiam.  Docet  hic  apostolus  testandam  esse  bonis  operibus  vitae  novitatem:  nec  constare  illam,  de  qua  loquutus  est,  Christi  cum  suis  membris  similitudinem,  nisi  fructus  suos  proferat:  ac  si  diceret,  quum  nos  esse  Christo  conformes  deceat,  huius  rei  veritas  et  testimonium  in  vita  nostra  exstet.  Eadem  est  haec  exhortatio  cum  illa  Pauli,  ad  Galat.  cap.  5,  25,  si  spiritu  vivitis,  spiritu  et  ambulate.  Multi  enim  libenter  persuaderent  se  habere  sepultam  in  cordibus  iustitiam,  dum  pedes,  et  manus,  et  linguam,  et  oculos  palam  occupat  iniquitas.  8.  Qui  facit  peccatum.  Hoc  quoque  facere,  ad  externa  opera  refertur,  ut  sit  sensus,  nullam  esse  Dei  et  Christi  vitam,  ubi  perverse  et  scelerate  se  homines  gerunt:  sed  tales,  diaboli  potius  esse  mancipia.  Qua  loquutione  melius  exprimit  quantopere  a  Christo  dissideant.  Quemadmodum  enim  Christum  prius  tanquam  omnis  iustitiae  fontem  posuit:  ita  nunc  diabolum  ex  opposito  statuit  caput  peccati.  Negavit  quemquam  esse  Christi,  nisi  qui  iustus  sit,  talemque  operibus  se  praestet  :  nunc  alios  omnes  in  diaboli  societatem  ablegat,  eiusque  imperio  subiicit:  ut  sciamus  nihil  esse  medium  quin  tyrannidem  Satan  occupet,  ubi  primatum  non  obtinet  Christi  iustitia.  Neque  tamen  duo  adversa  principia,  cum  Manichaeis,  fingenda  sunt.  Diabolum  enim  scimus  non  natura  nec  creationis  origine,  sed