50:334  amenera  ceste  folle  vanterie,  qu'il  a  voulu  servir  a  Dieu.  Mais  pour  ceste  cause  il  dit  en  un  mot  par  son  Prophete  Isaie,  Qui  est-ce  qui  a  requis  ceci  de  vos  mains?  Qui  vous  a  mis  en  oeuvre,  qu'il  vous  paye:  car  de  moy,  ie  ne  mettray  iamais  cela  a  conte  entre  mes  items:  ie  desadvoue  tout,  d'autant  que  ie  demande  obeissance.  Or  8.  Paul  a  tres  bien  recueilli  cela:  s'il  eust  ici  iuge  des  autres,  cela  auroit  moins  de  vertu  et  d'efficace  que  quand  il  parle  de  soy,  et  qu'il  ne  s'espargne  nullement,  disant  que  toute  la  sainctete  de  laquelle  il  estoit  prise  entre  les  hommes  n'a  este  qu'un  brigandage,  d'autant  qu'il  estoit  une  beste  enragee,  plein  de  fierte  et  de  rebellion  contre  Dieu.  Quand  donc  sainct  Paul  fait  ceste  confession  pleine  et  franche,  ne  faut-il  pas  que  toute  bouche  soit  close,  et  que  nous  cognoissions  quand  nous  avons  cuide  servir  a  Dieu,  que  nous  estions  comme  en  un  labyrinthe,  et  que  c'estoit  pour  nous  mener  iusques  au  profond  d'enfer?  Et  de  faict,  selon  que  les  poures  incredules  se  tormentent,  ils  ne  font  que  redoubler  leur  condamnation,  car  le  diable  les  enveloppe  tant  plus  en  leur  condamnation.  Cognoissons  donc  que  nous  avons  este  rebelles  a  Dieu  du  temps  que  nous  avons  voulu  ainsi  servir  a  nostre  fantasie,  et  qu'il  n'y  a  eu  en  toute  nostre  vie  sinon  erreur  pour  nous  faire  esgarer  a  travers  champs:  que  ca  este  pour  nous  reculer  plustost  que  pour  nous  avancer:  et  en  somme,  que  toutes  les  devotions  que  les  hommes  se  forgent,  ne  sont  que  tromperies  et  illusions  de  Satan,  pour  les  plonger  iusques  aux  plus  profonds  abysmes  de  la  mort.  Ainsi  donc  retournons  a  ceste  obeissance,  et  cognoissons  qu'il  n'y  a  nul  moyen  pour  bien  reigler  nostre  vie,  sinon  d'estre  enseignez  en  l'eschole  du  Fils  de  Dieu.  Mesmes  cuidons-nous  que  les  superstitions  qui  regnent  auiourd'huy  au  monde,  et  qui  y  ont  la  vogue,  soyent  meilleures  que  les  traditions  qui  ont  este  du  temps  de  S.  Paul?  Vray  est  qu'en  l'Eglise  des  Iuifs  il  y  avoit  beaucoup  de  corruptions  meschantes.  Car  les  sectes  estoyent  survenues,  et  les  Pharisiens  (qui  estoyent  encores  les  plus  purs  et  entiers)  avoyent  mesle  beaucoup  de  fanfares  parmi  le  service  de  Dieu,  tellement  que  tout  y  estoit  corrompu.  Mais  quoy  qu'il  ensoit,  sainct  Paul  avoit  tousiours  la  Loy,  il  avoit  l'Escriture  saincte.  Quant  a  ces  traditions  dont  il  parle,  il  les  avoit  comme  accessoires:  mais  cependant  si  est-ce  qu'il  desiroit  de  maintenir  la  Loy  de  Moyse,  laquelle  avoit  la  parole  de  Dieu  et  la  verite  immuable,  et  qui  doit  avoir  ceste  reverence  iusques  en  la  fin  du  monde.  Mais  cependant  il  n'avoit  que  la  lettre  de  la  Loy:  comme  nous  l'avons  veu  ci-dessus  aux  Corinthiens.  Auiourd'huy  ceux  qui  sont  les  plus  devots  en  la  Papaute,  qu'ontils?  Quand  ils  auront  allegue  tout  ce  qu'ils  pour-