41:334  approbation  que  nous  sommes  vraiement  ses  temples.  Et  comme  une  fois  il  nous  ha  ordonnes  a  son  service,  qu'il  face  que  sa  gloire  reluise  tellement  en  nous  qu'il  y  soit  magnifie,  et  le  regne  de  nostre  Seigneur  Iesus  Christ  avance  de  plus  en  plus,  que  non  seulement  il  nous  face  cette  grace  mais  aussi  a  tous  peuples  et  nations  de  la  terre.  SEEMON  II  sur  le  Chap.  T.  v.  5.17.  Nous  commancames  hier  a  traicter  comme  Dieu  nous  fait  une  grande  grace,  en  nous  menassant  si  nous  avons  failli,  et  nous  monstre  quelle  punition  nous  est  apprestee,  si  ce  pendant  il  nous  donne  lieu  de  repentance  pour  retourner  a  luy,  car  la  tristesse  que  nous  concevons  par  ce  que  nous  est  remonstre,  nous  profite  d'autant  que  nous  sommes  retires  de  la  mort  eternelle  au  salut,  auquel  Dieu  nous  convie.  Ainsi  donc  qu'il  ne  nous  face  point  de  mal,  quand  on  nous  reprendra  aigrement  de  nos  vices,  combien  que  la  chair  fuit  cela,  c'est  a  dire,  quelle  ne  se  delecte  point  en  ces  choses,  mais  scachons  qu'il  n'y  ha  rien  meilleur  que  d'estre  ainsi  presses,  attendu  la  paresse  qui  est  en  nous.  Or  quant  nous  ne  voulons  point  prester  l'aureille  a  Dieu,  et  que  nous  faisons  des  asnes  ou  des  chevaux  retifs,  il  faut  alors  qu'il  nous  envoie  un  message  pressif  pour  dire,  Vous  ne  voules  pas  escouter  ma  parole,  ce  pendant  qu'elle  vous  est  donnee  a  salut,  vous  connoistres  qu'elle  vous  sera  un  message  de  mort  quand  vous  n'i  penseres  point,  vous  sentires  ce  malheur  qui  vous  est  prochain,  et  alors  il  vous  faudra  grincer  les  dents,  sans  aucune  consolation.  Voila  comment  Dieu  besongne  envers  les  reprouves,  et  nous  en  avons  icy  un  bel  exemple,  car  le  message  qu'il  envoie  a  Balsazar  n'est  pas  pour  le  convertir,  ce  n'est  pas  que  Dieu  luy  propose  cette  condition  pour  dire,  Si  tu  retournes  a-  moy,  tu  obtiendras  merci:  Rien  de  tout  cela,  mais  ii  luy  declaire  le  iugement  qui  luy  est  appreste.  Ainsi  donc  craignons  que  Dieu  n'use  d'une  telle  rigueur  envers  nous,  quand  nous  aurons  abuse  de  sa  patience.  Voicy  le  temps  agreable,  voicy  les  iours  de  salut,  dit  le  Prophete  Isaye,  quand  ii  parle  que  l'Evangile  doit  estre  presche:  comme  s'il  disoit,  Le  pauvre  monde  devroit  estre  bien  attentif  plus  qu'il  n'est,  quand  on  luy  presche  l'Evangile.  C'est  autant  comme  si  Dieu  disoit,  Ie  vous  presente  la  vie,  receves-la.  Voicy  donc  les  iours  de  salut,  mais  quand  nous  ne  voudrons  point  user  de  cette  occasion  la,  et  que  nous  repousserons  la  grace  de  Dieu  il  faudra  qu'il  nous  ferme  la  porte,  et  qu'il  nous  envoie  ce  dernier