7:333  333  CALUMNIAS.  334  huius  conditionis  aleam  positos.  Suspirium  autem  illud,  iam  dictum  est,  non  nisi  a  singulari  affectu  proficisci,  quo  fidelium  unusquisque  peculiariter  tangitur,  pro  miseriae  praesentis  taedio  ac  iuxta  fidei  suae  modum.  Quod  ergo  nos  fratribus  nostris  optare  voluit  Dominus,  id  optemus,  corporis  sui  redemptionem  expetant,  qui  se  regni  coelestis  haeredes  fore  certo  confidunt.  8.  Ad  postremam  obiectionem,  qua  pro  confesso  sumitur,  sancte  peti  posse  quidquid  promissum  a  Domino  necdum  exhibitum  est,  respondeo,  in  concipiendis  precibus  semper  esse  spectanda  mandatum  et  promissionem.  Praescripta  sunt  quae  orare  pro  fratribus  debeamus,  nempe  ut  quotidianum  illis  suum  panem  Dominus  largiatur,  ut  peccata  illis  remittat,  ut  eos  a  tentatione  liberet.  Quod  nobis  exposcimus,  ut  primo  quoque  tempore  dissolvamur,  ab  hoc  peccatricis  massae  carcere  liberemur,  id  anne  aliis  expediat,  [pag.  81]  quia  incertum  est,  illis  poscendum  non  est.  Ut  quisque  sibi  negotium  fieri  a  carne  sua  sentit,  pro  suo  peculiari  affectu,  peculiare  etiam  suspirium  emittere  debet.  Multo  minus  nobis  petenda  est  ipsorum  resurrectio,  quum  ipsi  etiam,  receptis  albis  stolis,  quiescere  iussi  sint,  donec  conservorum  numerus  impleatur  Apoc.  6  (11).  Manet  ergo  istud  nobis  inconcussum  nullis  canonicis  scripturis  hanc  orandi  rationem  approbari.  Iam  quum  sit  certissimum,  affici  Deum  contumelia,  nisi  perpetuo  eius  voluntatem  in  oratione  respicimus,  nulla  autem  in  scripturis  omnino  particula  sit,  quae  nos  de  quiescentibus  in  Christo  sollicitos  esse  debere  insinuet,  dogma  Caroli  var&im  et  inutile  esse  constat,  futile  et  curiosum.  Huc  accedunt  quaecunque  sanctorum  exempla  in  scripturis  leguntur.  Nullum  enim  eorum  pro  mortuis  orasse  memoriae  proditum  est,  quum  tamen  omnia,  quae  exhiberi  mortuis  officia  solent,  diligenter  et  paene  anxie  scriptura  recitet:  quemadmodum  videmus  in  Sara,  Iacob,  Ioseph,  filio  Davidis,  Ioanne  Baptista,  Stephano  factum.  Atque  id  quidem  optima  ratione.  Nam  qui  adhuc  premuntur  hoc  corporis  ergastulo,  cum  peccato  et  carne  luctantur,  gemunt  sub  corporis  pondere,  laborant  et  dura  exercitatione  vexantur,  soluti  conquiescunt.  Mortem  enim  Paulus  vocat  cursus  consummationem  1  Timoth.  6.  1)  [pag.  82]  Proinde  recte  Iacobus,  qui  mutuum  orandi  officium  continet  inter  peccatores,  Confitemini,  inquit,  vicissim  peccata  vestra,  et  orate  alter  pro  altero,  ut  sani  sitis  (Iac.  5,  16).  Nempe  orandum  pro  fratribus  indicat,  quoniam  sunt  peccatores,  qui  orationibus  nostris  iuvari  opus  habeant.  Porro  si  saeculo  apostolorum  mos  iste  obtinue-  1)  Imo  2.  Ttm.  4,  7.