54:333  333  SUR  LA  SECONDE  A  TIMOTHEE.  334  avoit  de  servir  a  Dieu,  qu'il  s'y  est  employe  du  tout.  Et  au  reste,  qu'il  n'a  pas  este  frustre  de  son  entreprinse,  puis  que  Tissue  de  son  combat  a  este  heureuse.  Mais  cependant,  afin  qu'on  entende  que  ce  n'a  pas  este  une  simple  bouffee,  il  adiouste  la  seconde  similitude  de  la  course:  comme  s'il  disoit,  Ie  n'ay  point  fait  une  levee  de  bouclier  seulement  pour  esprouver  ma  force,  mais  i'ay  tenu  bon,  et  ay  persiste  constamment  en  la  course  qui  m'estoit  ordonnee.  Or  il  y  avoit  certaine  mesure  pour  courir,  comme  on  fera  les  liees:  il  y  aura  tant  de  long  et  de  large:  ainsi  il  y  avoit  pour  les  gens  de  pied  a  courir  d'une  traitte  tant  de  pas,  et  quand  ils  avoyent  acheve  leur  stade,  le  premier  s'estoit  monstre  et  approuve  le  plus  vaillant.  Autant  en  estoitil  des  chariots.  Ce  n'est  point  sans  cause  que  sainct  Faul  nous  amene  telles  comparaisons.  Il  est  vray  que  c'estoyent  des  esbats  pleins  de  vanitez  et  frivoles:  mais  cependant  c'est  pour  nous  faire  plus  grand'  honte  quand  nous  serons  lasches  a  courir  et  a  combatre  lors  que  Dieu  nous  appelle,  et  qu'il  preside  pour  nous  regarder,  et  qu'il  nous  a  promis  un  salaire  inestimable.  Si  donc  ii  y  a  alors  de  la  paresse  en  nous,  ou  bien  qu'il  nous  fasche  de  persister,  ou  que  nous  defaillions  a  mi  chemin,  y  aura-il  nulle  excuse?  Car  voila  aussi  comme  il  en  est  parle  aux  Corinthiens,  En  ces  combats  (dit-il)  ou  les  hommes  se  tourmentent  iusqu'au  bout,  qu'est-ce  qu'ils  esperent?  Une  couronne  de  fueilles  pour  tout  potage:  car  c'estoit  un  grand  prix  d'avoir  une  couronne  de  fueilles.  Or  voici  bien  un  autre  loyer:  car  nostre  Seigneur  nous  appelle  a  l'heritage  du  Royaume  des  cieux,  il  nous  veut  faire  participans  de  son  immortalite  et  de  sa  gloire:  et  cependant  nous  ne  daignons  pas  lever  un  pied,  ne  remuer  un  bras  qu'avec  grande  difficulte:  ne  mon8trons-nous  pas  que  nous  ne  donnons  gueres  d'honneur  a  Dieu,  que  nous  n'adherons  point  de  fait  a  ses  promesses,  brief,  que  nous  sommes  incredules  du  tout.  Car  en  ce  temps-la  ceux  qui  se  deliberoyent  a.  combatre,  ne  mangeoyent  que  du  biscuit:  voire,  et  n'osoyent  pas  encores  manger  a  moitie  de  leur  soul.  Voila  donc  ces  povres  fols  (dit  S.  Paul:  car  notamment  il  remonstre  cela)  pour  estre  prisez  et  qu'on  dise,  Voila  un  homme  agile,  voila  un  tel  qui  luitte  bien,  pour  avoir  seulement  ce  petit  mot  de  louange,  ils  iusnoyent,  ils  exposoyent  la  leur  vie.  Car  ils  ne  faisoyent  que  languir  en  vivant,  ils  n'osoyent  pas  manger  du  pain  bis,  ils  n'osoyent  pas  boire  de  l'eau  leur  soul,  ils  s'abstenoyent  de  toutes  viandes  delicatos,  ils  faisoyent  la  une  diete  extreme,  comme  s'il  eust  este  question  d'une  double  vie:  et  seulement  c'estoit  pour  avoir  quelque  applaudissement,  et  qu'on  frappast  des  mains  pour  dire,  Ho,  voila  un  vaillant  homme,  il  a  bien  merite  d'avoir  une  douzaine  de