52:333  333  CAPUT  VI.  334  sanguis  regnum  Dei  non  possidebunt  (1.  Corin.  15,  50).  Renovari  enim  nos  oportet,  ut  simus  Deo  similes,  priusquam  eum  videre  nobis  detur.  Et  ne  simus  ultra  modum  curiosi,  semper  illud  succurrat,  plus  in  hac  inquisitione  valere  vivendi  quam  loquendi  modum.  Simul  et  illud  cavere  meminerimus  quod  prudenter  Augustinus  cavendum  praecipit,  ne  dum  altercando  vestigamus  quomodo  possit  Deus  videri,  ipsam  pacem  sanctificationemque  perdamus,  sine  qua  nemo  Deum  videbit  unquam.  17.  Iis,  qui  divites  sunt  in  hoc  saeculo,  praecipe  ne  efferantur,  neve  sperent  in  divitiarum  incertitudine,  sed  in  Deo  vivo  qui  abunde  suppeditat  omnia  ad  fruendum  :  18.  ut  benefaciant,  ut  divites  sint  in  operibus  bonis,  faciles  ad  largiendum,  libenter  communicantes,  19.  recondentes  sibi  ipsis  fundamentum  bonum  in  posterum,  ut  vitam  aeternam  apprehendant.  20.  O  Timothee,  depositum  custodi,  devitans  profanas  clamorum  inanitates,  vaniloquia,  et  oppositiones  falso  nominatae  scientiae:  21.  quam  quidam  profitentes  aberrarunt  a  fide.  Gratia  tecum,  Amen.  17.  Iis,  qui  divites  sunt.  Verisimile  est,  quum  multi  inter  Christianos  tenues  essent  et  abiecti,  a  divitibus  (ut  fieri  solet)  fuisse  contemptos.  Idque  Ephesi  potissimum  in  urbe  opulenta  usu  venire  potuit  :  illic  enim  ut  plurimum  magis  regnat  fastus.  Atque  hinc  colligimus  quam  periculosa  res  sit  bonorum  affluentia.  Neque  enim  frustra  Paulus  tam  severa  admonitione  peculiariter  divites  compellat:  sed  vitiis  medetur,  quae  perpetuo  fere  sequuntur  divitias,  non  secus  atque  umbra  corpus:  idque  ingenii  nostri  pravitate,  qui  ex  Dei  donis  peccandi  materiam  semper  arripimus.  Duo  autem  nominatim  ponit,  quae  debeant  cavere  divites,  superbiam  et  spem  fallacem:  quorum  prius  ex  posteriore  nascitur:  et  ideo  videtur  secundo  loco  additum,  neve  sper  e  n  t  ,  ete.  ut  fontem  omnis  superbiae  notaret  Paulus.  Unde  enim  fit  ut  insolescant  divites,  et  alios  despiciendo  sibi  nimium  placeant,  nisi  quia  beatos  se  esse  imaginantur?  Praecedit  igitur  inanis  fiducia,  deinde  elatio  sequitur.  Haec  vitia  dum  vult  Paulus  corrigere,  primum  contemptim  de  divitiis  loquitur.  Nam  particula,  in  hoc  saeculo,  ad  extenuationem  tendit.  Quidquid  enim  ex  saeculo  est,  eius  naturam  resipit:  ut  scilicet  fluxum  sit,  ac  cito  praetereat.  Spei,  quae  in  divitiis  locatur,  fallaciam  et  vanitatem  ex  eo  ostendit,  quod  earum  possessio  tam  est  evanida,  ut  similis  sit  rei  incognitae.  Nam  dum  eas  tenere  nos  putamus,  effluunt  momento.  Quam  igitur  stultum  est  spem  in  illis  figere?  Sed  in  Deo  vivo.  Qui  hoc  tenebit,  facile  spem  a  divitiis  suam  abstrahet.  Nam  si  solus  Deus  est,  qui  nobis  ad  necessarios  vitae  usus  omnia  suppeditat,  transfertur  eius  officium  ad  divitias,  si  spes