50:333  333  SUR  L'EPITRE  AUX  GALATES.  334  aneantir,  iamais  nous  ne  pourrons  nous  adonner  au  service  de  Dieu,  auquel  nous  sommes  appelez.  Ie  parle  notamment  de  ceux  qui  ont  la  charge  de  prescher  l'Evangile,  qu'il  faut  qu'ils  soyent  aneantis  en  leurs  personnes,  ou  autrement  ils  ne  pourront  avoir  lieu  pour  exercer  fidelement  la  charge  qui  leur  est  commise.  D'autre  coste  nous  voyons  comme  sainct  Paul  ne  desguise  rien,  et  qu'il  ne  prend  pas  quelque  ombrage  ou  couverture  pour  estre  receu  entre  les  hommes:  mais  il  aime  mieux  recevoir  l'ignominie  laquelle  il  a  meritee,  et  la  honte  devant  les  hommes,  que  de  se  couvrir  par  vains  subterfuges.  Car  il  dit  qu'il  a  persecute  l'Eglise,  qu'il  a  este  un  voleur  et  un  brigand,  qu'il  a  espandu  le  sang  innocent.  Or  ce  n'est  point  pourtant  que  sainct  Paul  n'eust  tasche  de  vivre  en  toute  sainctete  et  perfection:  mesmes  qu'il  a  este  comme  un  miroir  de  grande  integrite:  il  s'appelle  irreprehensible,  et  non  sans  cause:  il  dit  qu'il  estoit  tellement  aveugle,  qu'il  cuidoit  estre  iuste  devant  Dieu,  pour  ce  que  mesmes  on  n'appercevoit  nulle  tache  en  luy  qui  fust  condamnee  par  les  hommes.  Vray  est  qu'il  y  avoit  de  l'hypocrisie,  comme  ii  y  en  a  en  tous  ceux  qui  ne  sont  point  renouvelez  de  l'Esprit  de  Dieu:  quand  ils  cuident  estre  advouez  de  tout  le  monde,  il  est  certain  que  iusques  a  ce  que  Dieu  les  ait  prins  en  sa  conduite,  qu'il  n'y  a  que  corruption.  Et  voila  comme  on  sera  abuse,  d'autant  qu'on  iugera  selon  le  sens  naturel,  de  ce  qui  est  bon  ou  mauvais:  mais  a  l'opposite  nostre  Seigneur  Iesus  declare  que  tout  ce  qui  est  haut  devant  les  hommes,  n'est  qu'abomination  devant  Dieu.  Quoy  qu'il  en  soit,  si  est-ce  que  sainct  Paul  s'estoit  adonne  a  vivre  sainctement  et  sans  aucune  reprehension  ni  reproche.  Or  ne  pouvoit-il  pas  dire  estant  converti  qu'il  avoit  bien  fait  et  que  sa  devotion  meritoit  d'estre  approuvee?  Or  a  l'opposite,  il  declare  qu'il  a  este  un  persecuteur,  et  que  tout  cela  ne  vaut  rien.  Que  sera-ce  donc  de  ce  qu'auiourd'huy  on  appelle  devotion  et  service  de  Dieu?  Comme  en  la  Papaute  ce  titre-la  trotera  assez  en  la  bouche  de  chacun,  rien  ne  se  fera  qu'a  la  bonne  intention,  et  tous  ont  affection  (ce  semble)  et  zele,  et  leur  semble  que  Dieu  leur  soit  bien  tenu  et  redevable  de  ce  qu'ils  font.  Voire,  mais  nous  scavons  qu'il  ne  leur  a  rien  commande  de  tout  ce  qu'ils  luy  apportent,  et  chacun  se  gouverne  selon  sa  fantasie.  Quoy  qu'il  en  soit,  il  n'y  a  sinon  opinion,  qu'ils  cuident  bien  faire:  et  c'est  tout.  L'un  dira,  il  me  semble,  l'autre  dira,  Ie  l'ay  ainsi  apprins,  i'ay  este  ainsi  enseigne.  Or  s'il  faloit  que  Dieu  approuvast  toutes  ces  choses,  il  auroit  de  grandes  charges  a  porter.  Car  ce  que  les  hommes  ont  invente  de  leurs  testes,  ce  n'est  sinon  ordure  puante  devant  luy.  Or  tant  y  a  neantmoins  que  chacun