5:333  CATECHISMUS.  reliquis  omnibus,  qui  eodem  Dei  consilio,  ante  mundi  constitutionem,  reprobati  sunt,  clarissima  veritatis  praedicatio  nihil  quam  odor  mortis  in  mortem  esse  potest.  Porro  cur  illos  misericordia  sua  Dominus  dignetur,  in  hos  iudicii  sui  severitatem  exerceat,  rationem  penes  illum  esse  sinamus,  quam  nos  omnes,  nec  sine  optima  ratione,  celatos  esse  voluit.  Non  enim  vel  tantam  lucem  ingenii  nostri  hebetudo  ferre,  vel  tantam  sapientiae  magnitudinem  tenuitas  capere  valeat.  Ac  omnino  quicunque  se  hic  attollere  contendent,  nec  cohibere  mentis  suae  temeritatem  sustinebunt,  verum  esse  experientur  quod  ait  Solomon:  Scrutatorem  maiestatis  oppressum  iri  a  gloria  (Prov.  25,  2).  1)  Tantum  id  nobiscum  statuamus,  illam  Domini  dispensationem,  tametsi  occulta  nobis  est,  iustam  nihilominus  et  sanctam  esse.  Nam  si  universum  hominum  genus  perderet,  id  faceret  iure  suo.  In  iis  quos  a  perditione  [pag.  17]  revocat,  nil  nisi  summam  eius  bonitatem  contemplari  licet.  Electos  ergo  vasa  esse  misericordiae  ipsius,  us  sunt,  agnoscamus:  reprobos,  vasa  irae,  sed  non  nisi  iustae.  Ab  utrisque  argumentum  ac  materiam  praedicandae  eius  gloriae  sumamus.  Neque  rursum,  quod  plerisque  usu  venire  solet,  ad  stabiliendam  salutis  nostrae  certitudinem^  quaeramus  in  ipsum  coelum  penetrare,  et  quid  ab  aeterno  de  nobis  Deus  decreverit  percontari*  quae  cogitatio  nihil  quam  misera  anxietate  ac  perturbatione  vexare  nos  potest.  Sed  testimonio  contenti  simus,  quo  satis  superque  nobis  ipsam  Dominus  confirmavit.  Nam  ut  in  Christo  electi  sunt  omnes,  quicunque  ante  iacta  mundi  fundamenta  praeordinati  ad  vitam  fuerunt  (Eph.  1,  4):  ita  is  est,  in  quo  electionis  nostrae  pignus  nobia  exhibetur.  Siquidem  ipsum  fide  excipimus  et  amplectimur.  Quid  enim  in  electione  quaerimus,  nisi  ut  vitae  aeternae  simus  participes?  Atqui  eam  in  Christo  obtinemus,  qui  et  vita  erat  ab  initio  (Ioann.  1,  4),  et  nobis  in  vitam  praepositus  est,  ut  omnes  qui  credunt  in  eum,  non  pereant,  sed  fruantur  vita  aeterna  (Ioann.  3,  16).  Quod  si  Christum  fide  possidentes,  vitam  simul  in  eo  possidemus,  ultra  de  aeterno  Dei  consilio  quidquam  percontari,  nostra  minime  refert.  Christus  enim  non  speculum  est  duntaxat,  quo  Dei  voluntas  nobis  repraesentatur:  sed  pignus,  quo  veluti  obsignatur.  QUID  SIT  VERA  FIDES.  Fides  autem  christiana  non  nuda  aut  Dei  cognitio,  aut  scripturae  intelligentia  putanda  est,  quae  in  cerebro  volutata  cor  minime  afficiat:  qualis  solet  esse  opinio  earum  rerum,  quae  probabili  [pag.  18]  ratione  nobis  confirmantur.  Sed  firma  est  ac  solida  1)  Cf.  Instit  p.  141