47:333  333  CAPUT  XIV.  334  tum  iubet  in  doctrinae  suae  observantiam  et  pietatem  incumbere.  Ostendit  porro  Christus  his  verbis,  quomodo  rite  obediatur  evangelio:  nempe  quum  officia  nostra  et  externae  actiones  ex  illius  amore  nascuntur.  Frustra  enim  laborant  brachia  et  pedes  totumque  corpus,  nisi  in  corde  regnet  amor  Dei,  qui  gubernet  externa  membra.  Iam  quum  certum  sit  nos  servare  Christi  praecepta,  quatenus  ipsum  amamus,  sequitur  nullibi  posse  reperiri  in  mundo  perfectum  eius  amorem,  quia  nemo  est  qui  perfecte  servet  eius  mandata.  Gratum  ta*men  Deo  est  eorum  obsequium,  qui  ad  hunc  scopum  vero  conatu  adspirant.  23.  Pater  meus  diliget  eum.  Iam  prius  exposuimus  non  statui  in  secundo  ordine  Dei  amorem,  quasi  pietatem  nostram  sequatur  ut  amoris  causam,  sed  ut  certo  persuasi  sint  fideles,  obedientiam  quam  evangelio  praestant  Deo  gratam  esse,  et  nova  subinde  donorum  incrementa  ab  eo  exspectent.  Veniemus  ad  eum,  qui  me  diligit,  hoc  est,  sentiet  in  se  residere  Dei  gratiam,  et  magis  magisque  in  dies  Dei  donis  augebitur.  Ergo  dilectionem  nominat,  non  illam  aeternam,  qua  nondum  natos  etiam  ante  creatum  mundum  complexus  est,  sed  ex  quo  eam  cordibus  nostris  obsignat,  quum  nos  facit  adoptionis  suae  participes.  Ac  ne  primam  quidem  illuminationem  intelligit,  sed  eos  fidei  gradus,  per  quos  assidue  fideles  pergere  oportet,  iuxta  illud  :  Habenti  dabitur.  Perperam  ergo  ex  hoc  loco  eliciunt  papistae  duplicem  amorem  quo  Deum  prosequimur.  Pingunt  Deum  naturaliter  a  nobis  diligi  priusquam  nos  spiritu  suo  regeneret,  et  hac  etiam  praeparatione  nos  mereri  regenerationis  gratiam.  Quasi  vero  non  passim  doceat  scriptura  et  ipsa  etiam  experientia  clamet,  nos  prorsus  a  Deo  adversos  esse  eiusque  odio  infectos  et  refertos,  donec  corda  nostra  mutet.  Tenendum  est  ergo  illud  Christi  consilium,  quod  venturi  sint  ipse  et  pater,  ut  fideles  in  perpetua  gratiae  fiducia  confirment.  24  Qui  non  diligit  me.  Quia  incredulis  permixti  sunt  fideles  in  mundo,  et  eos  tanquam  in  mari  turbulento  variis  procellis  agitari  necesse  est,  hac  rursum  admonitione  confirmat  eos  Christus,  ne  abstrahantur  malis  exemplis.  Ac  si  diceret:  Ne  respicite  in  mundum,  ut  ab  eo  pendeatis,  quia  semper  erunt  qui  me  et  meam  doctrinam  contemnant:  vos  autem  gratiam,  quam  semel  amplexi  estis,  constanter  ad  finem  retinete.  Interea  significat  mundum  iustas  suae  ingratitudinis  poenas  dare,  quum  in  sua  caecitate  perit,  quando  verae  iustitiae  contemptu  impium  adversus  Christum  odium  prodit.  Et  sermo  quem-  audistis.  Ne  propter  mundi  pervicaciam  labascant  aut  vacillent  discipuli,  autoritatem  rursus  doctrinae  suae  conciliat,  quum  testatur  ipsam  a  Deo  esse,  non  humanitus  in  terra  confictam.  Atque  in  hoc  fidei  nostrae  consistit  firmitas,  si  Deum  nobis  ducem  esse  scimus,  nec  alibi  quam