41:333  333  SUR  LE  V.  CHAP.  DE  DANIEL.  534  vertisseinent  qui  luy  est  envoie  du  Dieu  vivant.  C'est  comme  si  nous  demandions  l'exposition  de  sa  parole,  ou  a  Sathan  ou  a  celuy  qui  ne  scauroit  sinon  nous  seduire,  sinon  nous  ruiner,  et  en  corps  et  en  ame.  Voila  comme  en  fait  le  Roy  Balsazar.  Mais  quoy?  nous  voions  icy  encores  une  autre  punition  de  Dieu.  Voici  deux  choses  qui  sont  en  luy,  il  y  ha  une  fraieur  qui  Pestonne  tellement,  qu'il  ne  scait  que  devenir,  et  puis  estant  ainsi  trouble  il  s'adresse  aux  Devins  et  sorciers  pour  avoir  quelque  allegement  Quant  est  de  la  fraieur,  nous  avons  icy  a.  connoistre  ce  que  nous  est  propose  devant  les  yeux,  C'est  a  scavoir,  quelle  est  la  condicion  de  ceux  qui  despitent  ainsi  Dieu,  et  qui  mesprisent  sa  maieste  avec  une  rage  et  furie,  C'est  que  si  tost  qu'ils  ont  quelque  signe  de  l'ire  de  Dieu,  ils  sont  tellement  effrayes  qu'ils  sont  desia  comme  demy  morts,  iis  ne  scavent  que  devenir.  Or  au  contraire  la  connoissance  qu'en  ont  les  fideles  ne  les  estone  point,  pour  dire  qu'ils  n'ayent  tousiours  leur  fiance  en  Dieu,  Mais  ils  demeurent  fermes  que  quand  ils  verroient  le  ciel  et  la  terre  se  mesler,  ils  se  tiendroient  tousiours  de  bout,  Et  pourquoy?  Pource  qu'ils  sont  fondes  en  la  grace  de  Dieu,  voire  qu'en  vraye  certitude,  iis  peuvent  dire,  Dieu  aura  pitie  de  nous,  que  s'il  permet  que  nous  souffrions  d'avantage,  il  nous  donnera  patience.  Voila  donc  comme  les  fideles  ne  perissent  iamais,  d'autant  qu'ils  s'appuyent  en  Dieu,  Mais  les  meschans  qui  sont  plains  d'orgueil,  qui  auront  ceste  arrogance  et  ceste  ambition  de  s'eslever,  en  sorte  qu'il  leur  semblera  que  Dieu  n'ait  nulle  autorite  par  dessus  eux.  Or  puis  apres  sont-ils  presses  de  la  main  de  Dieu?  Vient-il  a  les  menacer?  les  voila  tellement  estonnes  et  desesperes  qu'ils  sont  comme  navres  a  mort.  Voila  donc  une  punition  que  Dieu  donne  sur  l'orgueil  des  hommes.  Il  est  vray  que  cecy  ne  se  pourroit  point  despescher  pour  le  present,  mais  si  nous  faut-il  bien  noter  cet  exemple,  a  fin  d'en  faire  nostre  profit,  que  quand  Dieu  se  monstrera  benin  et  humain  envers  nous,  ne  prenons  point  occasion  de  la  de  nous  enorgueillir,  mais  cheminons  tousiours  en  simplicite,  a  fin  que  si  Dieu  nous  envoie  des  afflictions  il  nous  face  la  grace  de  les  porter  patiemment,  a  fin  que  le  tout  soit  converti  a  nostre  salut.  Suivant  cette  saincte  doctrine  nous  nous  prosternerons  devant  la  face  de  nostre  bon  Dieu,  en  connoissance  de  nos  fautes,  le  priant  qu'il  luy  plaise  de  nous  ouvrir  les  yeux,  a  fin  de  nous  faire  connoistre  les  pauvretes  et  miseres  qui  sont  en  nous,  mieux  que  nous  n'avons  fait  iusques  a  present,  et  que  les  connoissant  nous  apprenions  de  nous  humilier  devant  luy,  et  qu'il  face  en  nous  une  telle  consecration  que  nous  luy  soions  pleinement  dedies  en  nostre  Seigneur  Iesus  Christ,  voire  pour  donner