25:333  333  REDITUS  AD  HISTORIAM.  334  quadraegesimo  ex  quo  egressi  sunt  filii  Israel  e  terra  Aegypti,  mense  quinto,  primo  die  mensis.  39.  Eratque  Aharon  natus  centum  et  viginti  tres  annos  quando  mortuus  est  in  Hor  monte.  40.  Audivit  autem  Chenaanaeus  rex  Arad  (is  vero  habitabat  in  Meridie,  in  terra  Chenaan  quum  ingrederentur  filii  Israel).  41.  Et  profecti  de  Hor  monte  castrametati  sunt  in  Salmonah.  42.  Profecti  vero  ex  Salmonah,  castrametati  sunt  in  Punon.  43.  Profecti  e  Punon,  castrametati  sunt  in  Oboth.  ^  44.  Profecti  item  ex  Oboth,  castrametati  sunt  in  lie-haabarim  in  termino  Moab.  45.  Et  profecti  ex  Iim,  castrametati  sunt  in  Dibon-gad.  46.  Profecti  item  ex  Dibon-gad,  castramentati  sunt  in  Almon-diblathaim.  47.  Profecti  praeterea  ex  Almondiblathaim,  castrametati  sunt  in  montibus  Abarim  ante  Nebo.  48.  Et  profecti  e  montibus  Abarim,  castrametati  sunt  in  campestribus  Moab,  iuxta  Iordanem  Iericho.  49.  Tandem  castrametati  sunt  iuxta  Iordanem  a  Befh-iesimoth  usque  ad  Abelsittim  in  campestribus  Moab.  50.  Loquutus  est  autem  Iehova  ad  Mosen  in  campestribus  Moab,  iuxta  Iordanem  Iericho,  dicendo:  51.  Alloquere  filios  Israel  et  dicas  eis:  Quum  transieritis  Iordanem  ad  terram  Chenaan,  52.  Expellite  omnes  habitatores  terrae  a  facie  vestra.  53.  Expelletis,  inquam,  habitatores  terrae.  54.  Et  habitabitis  in  ea,  vobis  enim  dedi  terram,  ut  eam  possideatis.  55.  Possidebitis  autem  terram  illam  per  sortem,  per  familias  vestras:  pluribus  multiplicabitis  haereditatem  eorum,  et  paucioribus  diminuatis  haereditatem  eorum  :  in  loco  in  quo  egredietur  illi  sors,  erit  illis:  per  tribus  patrum  vestrorum  haereditatem  capietis.  56.  Quod  si  non  expuleritis  habitatores  terrae  a  facie  vestra,  tum  erit  ut  quos  reliqueritis  ex  eis,  sint  in  cultros  in  oculis  vestris,  et  in  spinas  lateribus  vestris,  et  affligent  vos  super  terram  in  qua  vos  habitabitis.  57.  Evenietque  ut  quemadmodum  cogitavi  facere  illis,  faciam  vobis.  1.  Istae  sunt  profectiones.  Stationes  in  quibus  castrametatus  est  populus,  non  omnes  antea  Moses  recensuit,  sed  eas  fere  duntaxat  in  quibus  memorabile  aliquid  contigerat,  maxime  post  transitum  maris  rubri:  quia  magnopere  intererat  statui  quasi  ante  oculos  locorum  circumstantias,  donec  admirabili  Dei  potentia  non  modo  erepti  essent  a  praesenti  morte,  sed  per  mortem  et  profundas  abyssos  patefactus  esset  illis  egressus  ad  vitam.  Et  uno  loco  satis  admonuit,  se  quasdam  stationes  omittere,  ubi  refert  populum  e  deserto  Sin  per  suas  profectiones  (sicuti  indictae  erant  ore  et  mandato  Dei)  venisse  in  Raphidim:  hic  vero  singula  loca  in  quibus  substiterant  diligentius  persequitur,  ac  si  in  tabula  repraesentaret  quadraginta  annorum  peregrinationem.  Finib  autem  est,  primum  ut  memoria  redemptionis,  et  tot  beneficiorum  quae  annexa  erant,  altius  defixa  maneat  in  omnium  cordibus:  sicuti  ad  historiae  certitudinem  non  parum  valet  locorum  descriptio: