20:333  333  1564  IUL.  334  lorum  immortali,  invisibili,  soli  sapienti  Deo,  gloria  honor  in  secula  seculorum.  1  ad  Timoth.  6:  Praecipio  tibi  in  conspectu  Dei,  qui  vivificat  omnia,  et  coram  Iesu  Christo,  qui  testatur  sub  Pontio  Pilato  bonam  professionem,  ut  serves  praeceptum,  immaculatus,  irreprehensibilis,  usque  ad  apparitionem  domini  nostri  Iesu  Christi,  quam  temporibus  suis  ostensurus  est  ille  beatus  solus  princeps,  rex  regnantium,  et  dominus  dominantium,  qui  solus  habet  immortalitatem,  lucem  inhabitans  inaccessam,  quem  vidit  nemo  hominum,  neque  videre  potest.  Cui  honor  et  imperium  sempiternum.  1.  Ioan.  5  :  Quoniam  tres  sunt  qui  testimonium  dant,  spiritus,  aqua  et  sanguis,  et  hi  tres  unum  sunt.  Si  testimonium  hominum  accipimus,  testimonium  Dei  maius  est.  Quoniam  hoc  est  testimonium  Dei,  quod  testificatus  est  de  filio  suo:  Qui  credit  in  filium  Dei,  habet  testimonium  in  se  ipso.  Qui  non  credit  Deo,  mendacem  facit  eum,  quia  non  credit  in  testimonium,  quod  testificatus  est  Deus  de  filio  suo.  Et  hoc  est  testimonium  quod  vitam  aeternam  dedit  nobis  Deus.  Et  haec  est  vita  in  filio  eius.  Qui  habet  filium,  habet  vitam.  Qui  non  habet  filium  Dei,  vitam  non  habet.  1  Timoth.  2:  Unus  enim  Deus  est,  unus  etiam  mediator  Dei  et  hominum,  homo  Christus  Iesus,  qui  dedit  semet  ipsum  pretium  redemptionis  pro  omnibus  ete.  Ex  quibus  et  similibus  scripturae  locis  inferunt  et  concludunt  isti,  nullo  modo  confundi  posse,  ut  pater  et  filius  unus  sit  uterque,  sed  semper  unus  ille  Deus  pater  omnium  tum  in  coelo,  tum  in  terra,  tum  in  creatione,  tum  in  restauratione  omnia  egit  per  filium  suum,  qui  est  mediator  ab  aeterno  etiam  creandarum  rerum  omnium:  Non  autem  filius  egit  per  patrem.  Ut  enim  pater  est  ex  quo  omnia,  ita  et  filius  per  quem  omnia.  Quae  verba  manifeste  confusioni  Sabellianae  omnino  adversantur,  et  mixturam  seu  commixtionem  in  divinitate  non  patiuntur.  Unus  itaque  Deus  pater,  et  unus  mediator  Dei  et  hominum  Christus  Iesus,  et  unus  spiritus  sanctus.  Alius  scilicet  et  alius,  sed  non  aliud.  Hoc  est,  unius  et  eiusdem  naturae,  divinitatis,  potentiae,  gloriae,  imperii,  maiestatis.  Eam  tamen  divinitatem,  potentiam,  gloriam,  imperium  et  maiestatem,  filium  generatione,  spiritum  sanctum  processione  a  patre  accepisse  et  habere  dicunt,  sicut  dicit  filius:  Omnia  mihi  tradita  sunt  a  patre  meo.  Ad  haec  addunt,  pluralitatem  Deorum  trinitarios  inducere.  Quum  enim  isti  non  admittant,  patrem  esse  principium  generationis  filio,  et  processionis  spiritui  sancto,  sed  esse  a  se  ipso,  quemadmodum  et  pater  est  a  se  ipso  Deus,  inducere  eos  plura  principia,  et  ex  consequentia  plures  Deos.  Ideo  isti  excogitant  nova  quaedam  vocabula,  quod  solum  patrem  vocant  autotheon,  a  se  ipso  Deum,  filium  vero  et  spiritum  sanctum  Deum  de  Deo,