1:333  CAP.  H.  DE  COGNITIONE  HOMINIS.  A  3  4  ;  B  3  2  ;  C  32.]  nobis,  ne  putemus  in  mentem  venire  nobis  posse,  quomodo  rite  quidpiam  agendum  sit.  Itane  depravata  est  omnis  industria,  perspicientia,  intelligentia,  cura,  ut  rectum  nihil  coram  Domino  excogitare  aut  meditari  queat?  Nobis  nimirum  (qui  rationis  acumine,  quam  pretiosissimam  dotem  reputamus,  aegre  patimur  spoliari)  durum  id  nimis  videtur;  spiritui  autem  sancto  aequissimum,  qui  novit  omnes  cogitationes  sapientum  vanas  esse,  et  qui  clare  pronuntiat,  omne  figmentum  humani  cordis  tantummodo  malum  (Psal.  94,  11.  Gen.  6,  3  et  8,  21).  Si  quidquid  ingenium  nostrum  concipit,  agitat,  instituit,  molitur,  semper  malum  est,  qui  in  mentem  nobis  veniat  instituere  quod  Deo  placeat,  cui  sola  sanctitas  et  iustitia  accepta  est?  Ita  videre  est,  mentis  nostrae  rationem,  quoquo  se  vertat,  esse  vanitati  misere  obnoxiam.  Huius  imbecillitatis  sibi  conscius  erat  David,  quum  petebat  sibi  dari  intellectum,  ad  mandata  Domini  recte  discenda  (Psal.  119,  34).  Innuit  enim,  suum  ingenium  nequaquam  sufficere,  qui  novum  obtingere  sibi  cupit.  Neque  id  semel  facit,  sed  in  uno  psalmo  decies  fere  repetit  eandem  precationem.  Qua  repetitione  subindicat  quanta  ad  petendum  necessitate  urgeatur.  Et  quod  ille  sibi  uni  petit,  Paulus  communiter  ecclesiis  precari  solet  (Phil.  1,  4.  Col.  1,  9).  Non  cessamus,  inquit,  orare  pro  vobis  et  postulare,  ut  impleamini  agnitione  Dei  in  omni  prudentia  et  intelligentia  spirituali,  ut  ambuletis  digne  Deo,  ete.  Quoties  autem  eam  rem  Dei  beneficium  facit,  meminerimus  eum  simul  testari,  non  esse  in  hominis  facultate  positam.  Adeo  autem  hunc  rationis  defectum  ad  intelligenda  quae  Dei  sunt,  agnovit  Augustinus,  1)  ut  non  minus  necessariam  mentibus  illuminationis  gratiam  putet,  quam  oculis,  solis  lucem.  Nec  eo  contentus,  correctionem  subiicit,  quod  oculos  ipsi  aperimus  ad  cernendam  lucem;  mentis  autem  oculi,  nisi  a  Domino  aperiantur,  clausi  manent.  45.  Examinanda  nunc  voluntas,  in  qua  praecipue  arbitrii  libertas  vertitur.  Quandoquidem  magis  huius  esse  electionem,  quam  intellectus,  ante  visum  est.  Principio,  ne  quid  ad  humanae  voluntatis  rectitudinem  pertinere  videatur,  quod  a  philosophis  traditum  publico  consensu  receptum  est,  omnia  naturali  instinctu  bonum  appetere:  observemus  liberi  arbitrii  vim  non  considerandam  in  eiusmodi  appetitu;  qui  magis  ab  essentiae  inclinatione  quam  mentis  deliberatione  proficiscitur.  Nam  et  scholastici  fatentur  nullam  esse  liberi  arbitrii  actionem,  nisi  dum  se  ratio  vertit  ad  opposita.  Quo  intelligunt,  oportere  appetitus  obiectum  tale  esse,  quod  electioni  subiaceat,  et  deliberationem  praeire,  quae  electioni  viam  sternat.  Et  sane  si  respicias  quale  sit  istud  naturale  boni  in  homine  desiderium,  invenies  illi  cum  belluis  esse  commune.  Siquidem  et  1)  Lib.  2.  de  peccator,  merit,  et  remiss,  c.  5.