8:332  locus:  in  quo  homine  adeo  insipida  sunt  omnia,  ut  in  eo  refellendo  quidquam  operae  locare  pudeat.  Nec  sane  congredi  cum  ista  umbra  dignarer,  nisi  stulta  multorum  consternatio  me  cogeret.  Neque  enim  defuturos  arbitror,  qui  ex  puerilibus  nugis  facilem  me  captare  victoriam  putantes,  inane  studium  derisui  habeant.  Equidem  nisi  noceret,  quantum  non  sine  maximo  dolore  audio,  contemptu  potius  obterendum  censerem,  quam  verbis  refellendum.  Sed  quando  eius  libri  per  Italiam  volitantes,  multos  passim  dementant,  cum  deliro  homine,  si  opus  sit,  paulisper  ineptire  malo,  quam  meo  silentio  pati,  ut  cum  tanta  ecclesiae  iactura  insania  eius  grassetur.  1)  Quum  olim  propheta  Ezechiel  anus  fatidicas  [pag.  148]  videret  fucum  populo  facere:  muliebre  bellum  subire  non  erubuit  (Ezech.  13,  17).  Ergo,  neque  nos  pigeat,  si  Christi  servi  esse  volumus,  qualescunque  tandem  sint,  qui  in  horreum  Domini  suas  quisquilias  ingerere  nituntur,  eos  conserta  manu  depellere.  Quod  aeterno  Dei  consilio  praedestinatos  esse  homines  dicimus,  vel  ad  salutem,  vel  ad  exitium:  tribus  de  causis  nos  ea  in  re  hallucinari  G-eorgius  putat.  Quarum  primam  assignat,  quod  Electionis  nomen  non  observemus  diverso  sensu  accipi  in  scriptura:  nempe,  quod  ad  munus  temporale  quosdam  eligat  Deus,  ubi  nulla  fit  aeternae  vitae  mentio,  neque  etiam  ratio  habetur.  Sed  quibus  persuadeat  stolidus  nugator,  nos  in  scriptura  tam  male  exercitatos  esse,  ut  nondum  teneamus,  Saulem,  qui  reprobus  erat,  regem  tamen  esse  electum?  (1  Sam.  9,  16.)  Iudam,  diabolum  vocari,  qui  unus  erat  ex  duodecim,  quos  a  se  Christus  electos  praedicat?  (Ioann.  6,  70.)  Cur  locos  non  notat  male  et  impie  a  nobis  adductos,  qui  errorem  patefaciant?  Verum,  somnia  ipse  sibi  fabricat,  quae  in  cerebro  suo  nata,  tanquam  aliena  debellet:  interea  mirum,  quomodo  decimo  circiter  versu  praecepti  sui  oblitus,  Pauli  testimonio  nos  oppugnet:  Ne  quum  aliis  praedicavero  ipse  reprobus  efficiar  (1  Cor.  9,  27).  Colligit  enim,  vel  mentiri  Paulum,  qui  timere  se  iactet,  ne  concidat  immutabilis  Dei  electio,  vel2)  suae  electionis  fuisse  ignarum:  nec  videt  miser,  reprobum  [pag.  149]  illic  probato  opponi,  qui  certa  suae  pietatis  experimenta  dederit.  Cur  non  tunc  illi  in  mentem  venit  diversa  vocis  acceptio?  Nam  et  argentum  reprobum  apud  Ieremiam  (6,  30),  et  in  epistola  ad  Hebraeos  (6,  7),  reproba  terra,  non  divinitus  exitio  devotum  argentum  vel  terram  significat,  sed  vitiosum  nihilique  argentum  et  terram  infrugiferam.  Quod  autem  in  verbis  Pauli  relatio  ad  homines  fiat,  sicuti  in  altera  quoque  epistola  1)  Add.  Nous  voyons  que  S.  Paul  n'a  point  eu  honte  de  s'attacher  a  un  forgeron  lequel  se  dressoit  contre  l'Evangile.  2)  Pro  vel  Beza  et  Amst.  male  habent:  et.