54:332  recueille  a  soy,  et  sur  tout  d'autant  que  nous  sommes  membres  de  nostre  Seigneur  Iesus  Christ,  en  la  garde  duquel  il  nous  a  commis.  Car  le  Pere  ceieste  ne  s'est  point  contente,  de  declarer  qu'il  estoit  le  protecteur  de  nos  ames,  mais  il  a  baille  a  Iesus  Christ  cest  office-la,  d'estre  nostre  protection  et  sauvegarde.  Et  pourtant  quand  nous  serons  en  sa  main,  que  nous  ne  doutions  point  que  par  sa  vertu  infinie  il  ne  nous  conserve,  combien  que  nous  soyons  ici  au  milieu  de  beaucoup  de  fascheries.  Il  dit,  Le  Pere  qui  vous  a  donnez  en  ma  main,  est  plus  fort  que  tous.  Par  cela  il  signifie  que  si  nous  sommes  estonnez  par  les  grans  orages  et  tempestes  qui  nous  pourront  assaillir,  qu'il  nous  faut  contempler  ceste  vertu  de  Dieu  qui  surmonte  tout,  scachans  que  par  icelle  nous  viendrons  au  dessus  de  tout  ce  qui  maintenant  nous  pourroit  effaroucher.  Or  il  est  vray  que  cela  ne  se  peut  despescher  pour  maintenant.  Car  ce  qui  sera  traitte  apres  disner,  est  l'exposition  de  ceste  doctrine,  d'autant  que  sainct  Paul  adioustera  que  la  couronne  de  iustice  luy  est  apprestee.  Il  faut  donc  que  nous  cognoissions  pourquoy  nous  sommes  appelez  a  l'heritage  du  Royaume  des  cieux.  Car  combien  que  Dieu  nous  retire  de  ce  monde,  ce  n'est  sinon  pour  nous  amener  a  la  gloire  celeste  qui  nous  est  maintenant  cachee,  comme  aussi  est  nostre  salut,  et  toute  la  plenitude  des  biens  que  nous  esperons.  Or  nous-nous  prosternerons  devant  la  face  de  nostre  bon  Dieu,  etc.  VINGTHUITIEME  SERMON.  Chap.  IV,  v.  7.8.  Quand  quelqu'un  nous  monstre  bon  exemple,  et  que  nous  cognoissons  qu'il  y  a  des  vertus  en  luy  qu'on  ne  peut  mespriser,  la  seule  veue  nous  profite  beaucoup.  Et  on  le  voit,  qu'en  une  ville,  ou  en  un  pays,  la  presence  d'un  homme  servira  tant,  que  les  choses  se  conduisent  droitement,  et  Dieu  fera  profiter  la  grace  de  son  S.  Esprit,  quand  il  la  distribue  ainsi  a  quelques  uns.  Et  voila  pourquoy  S.  Paul  en  ce  passage,  voyant  que  son  absence  pouvoit  nuire  a  quelques  uns,  declare  que  s'il  a  acheve  sa  course,  il  ne  faut  point  que  les  autres  defaillent  a  mi  chemin,  mais  plustost  qu'ils  poursuivent,  et  qu'ils  scachent  qu'ils  n'auront  rien  fait,  sinon  qu'ils  poursuivent  iusqu'au  bout  comme  luy.  Voila  donc  S.  Paul  qui  avoit  mis  peine  toute  sa  vie  d'edifier  l'Eglise  de  Dieu,  et  son  exemple  avoit  retenu  beaucoup  de  gens:  quand  il  veut  sortir  du  monde,  il  voit  qu'aucuns  se  pourroyent  deabaucher.  Il  previent  donc  ce  danger-la,  et  dit  que  comme  on  l'a  veu  poursuivre  sa  course,  et  que  iamais  il  ne  s'est  lasse  iusqu'a  ce  qu'il  ait  acheve,  qu'il  faut  aussi  qu'on  face  semblable,  et  que  nul  ne  perde  courage,  iusqu'a  ce  qu'il  soit  parvenu  ou  Dieu  l'appelle.  Mais  afin  que  nous  comprensions  mieux  la  doctrine  qui  est  ici  contenue,  notons  qu'il  met  la  similitude  des  combats  qui  se  faisoyent  alors,  ou  de  la  luitte,  ou  autrement.  Car  comme  maintenant  on  tirera  au  prix  a  la  hacquebutte,  ou  a  Parc,  aussi  alors  on  combatoit:  et  puis  il  y  avoit  les  courses  et  a  pied,  et  a  cheval,  et  en  chariots  sur  tout.  Or  notamment  sainct  Paul  en  premier  lieu  dit,  Qu'il  a  combatu  un  bon  combat:  c'est  a  dire,  quand  il  s'est  venu  offrir  pour  monstrer  l'affection  qu'il