5:332  disciplina  quidquam  emendetur,  restat  ut  lex  ipsa,  quae  in  salutem  data  erat,  si  auditores  idoneos  nacta  fuisset,  in  peccati  et  mortis  occasionem  cedat.  Quandoquidem  enim  omnes  eius  transgressores  esse  convincimur,  quo  Dei  iustitiam  [pag.  15]  clarius  reserat,  eo  nostram  ex  adverso  iniquitatem  magis  detegit.  Rursum  quo  maioris  nos  transgressionis  deprehensos  tenet,  eo  gravioris  simul  iudicii  reos  agit.  Ac  sublata  aeternae  vitae  promissione,  sola  maledictio  superest,  quae  nobis  omnibus  a  lege  impendet.  LEGEM  GRADUM  ESSE  AD  CHRISTUM.  Quod  autem  omnium  nostrum  iniquitas  et  damnatio  legis  testimonio  consignatur,  non  ideo  fit  ut  desperatione  concidamus,  ac  desponsis  animis,  in  praecipitium  corruamus.  Nos  quidem  iudicio  legis  damnatos  esse  apostolus  testatur,  quo  os  omne  obstruatur,  et  obnoxius  reddatur  omnis  mundus  Deo  (Rom.  3,  19).  Idem  tamen  alibi  docet,  Deum  omnes  sub  incredulitate  conclusisse,  non  ut  perdat,  aut  etiam  perire  sinat  :  sed  ut  omnium  misereatur  (Rom.  l  l  ,  32).  Dominus  ergo  nostrae  tum  imbecillitatis,  tum  impuritatis,  per  legem  admonitos,  virtutis  ac  misericordiae  suae  fiducia  solatur.  Idque  in  Christo  suo,  per  quem  nobis  se  benevolum  ac  propitium  pa*-  trem  exhibet.  In  lege  enim  non  nisi  perfectae  iustitiae,  qua  nos  omnes  destituti  sumus,  remunerator:  contra  autem,  severus  scelerum  iudex  apparet.  In  Christo  autem,  facies  eius  gratiae  ac  benignitatis  plena,  erga  miseros  etiam  ac  indignos  peccatores,  relucet.  Hoc  enim  admirabile  immensae  suae  dilectionis  exemplum  praebuit,  quod  proprium  filium  nobis  exposuit,  ac  in  ipso  thesauros  omnes  clementiae  bonitatisque  suae  resignavit.  CHRISTUM  FIDE  A  NOBIS  APPREHENDI.  Quemadmodum  filium  suum  evangelii  verbo  nobis  [pag.  16]  offert  misericors  pater:  ita  fide  ipsum  amplectimur,  ac  quasi  datum  agnoscimus.  Verbum  quidem  ipsum  evangelii  omnes  in  Christi  participationem  vocat:  at  plurimi  incredulitate  obcaecati  et  obdurati,  tam  singularem  gratiani  aspernantur.  Soli  ergo  fideles  Christo  fruuntur,  qui  ad  se  missum  recipiunt,  qui  sibi  donatum  non  respuunt,  qui  vocantem  sequuntur.  DE  ELECTIONE  ET  PRAEDESTINATIONE.  In  hoc  autem  discrimine  sublime  divini  consilii  arcanum  necessario  considerandum  est.  In  his  enim  solis  demum  verbi  Dei  semen  radicem  ducit,  ac  fructificat,  quos  Dominus  sibi  filios  regnique  coelestis  haeredes,  aeterna  sua  electione,  praedestinavit: