49:332  quae  hic  recensentur,  non  dimidium  aut  partem  aliquam,  sed  complementum  in  Christo  quaeramus.  Neque  enim  dicit  Paulus,  nobis  datum  esse  in  supplementum  vel  adminiculum  iustitiae,  sanctitatis,  sapientiae,  redemptionis  :  sed  solidum  omnium  effectum  ei  soli  assignat.  Quoniam  autem  vix  occurret  alius  in  scriptura  locus,  qui  distinctius*  omnia  Christi  officia  describat,  ex  eo  quoque  optime  poterit  vis  et  natura  fidei  intelligi.  Nam  quum  proprium  fidei  obiectum  sit  Christus,  quicunque  novit  quae  sint  erga  nos  Christi  beneficia,  ille  etiam  edoctus  est  quid  sit  fides.  31.  Qui  gloriatur,  in  Domino.  En  finis  cur  omnia  nobis  largiatur  Deus  in  Christo  :  nempe  ut  ne  quid  arrogemus  nobis,  sed  illi  omnia  deferamus.  Neque  enim  nos  spoliat  Deus,  ut  nudos  relinquat:  sed  deinde  sua  gloria  nos  vestit,  hac  tamen  conditione,  ut  quoties  volumus  gloriari,  extra  nos  exeamus.  In  summa,  homo  redactus  apud  se  in  nihilum,  et  agnoscens  nihil  boni  alibi  quam  in  solo  Deo  esse,  omisso  propriae  gloriae  studio,  ad  unam  Dei  gloriam  promovendam  totus  adspiret  ac  feratur.  Atque  hoc  melius  ex  prophetae  contextu  patet,  a  quo  Paulus  hoc  testimonium  mutuatus  est:  nam  illic  Dominus  postquam  omnes  mortales  fortitudinis,  sapientiae,  et  opum  gloria  abdicavit,  eos  in  sola  sui  notitia  gloriari  iubet.  Ita  autem  vult  cognosci,  ut  sciamus  eum  esse  qui  facit  iudicium,  iustitiam,  et  misericordiam.  Haec  enim  cognitio  et  fiduciam  et  timorem  eius  in  nobis  parit.  Qui  ergo  sic  est  animo  compositus,  ut  nihil  sibi  arrogando  unum  Deum  eminere  cupiat,  qui  in  eius  gratia  acquiescit,  qui  in  paterno  eius  amore  totam  suam  felicitatem  locat,  qui  denique  contentus  est  uno  Deo,  ille  vere  in  Deo  gloriatur.  Vere  dico,  quia  et  hypocritae  falso  in  eo  gloriantur  (sicut  testatur  Paulus  Rom.  2,  17),  dum  vel  eius  donis  inflati,  vel  impia  carnis  confidentia  elati,  vel  eius  verbo  abutentes,  nomen  tamen  eius  obtendunt.  CAPUT  II.  1.  Et  ego  quum  venissem  ad  vos,  fratres,  veni,  non  in  excellentia  sermonis  vel  sapientiae,  annuntiant  vobis  testimonium  Dei.  2.  Non  enim  eximium  duxi  scire  quidquam  inter  vos%  nisi  Iesum  Christum,  et  hunc  cruxifixum.  1.  Et  ego.  Paulus  de  sua  docendi  ratione  dicere  aggressus,  ad  generalem  praedicationis  evangelicae  naturam  mox  descenderat:  iterum  nunc  ad  se  ipsum  revertitur,  ut  ostendat  nihil  in  se  contemni,  quod  non  sit  ex  propria  evangelii  natura  et  illi  quodammodo  adhaereat.  Concedit  ergo  sibi  non  adfuisse  humanae  vel  facundiae  vel  sapientiae  prae-