41:332  aura  besoin  d'estre  purge,  et  si  on  le  laisse  la  sans  y  pourvoir,  d'une  simple  fievre  on  en  fera  un  chaut  mal.  Ainsi  en  est-il  de  telles  gens  qui  ne  scavent  que  c'est  de  Dieu,  et  qui  sont  tellement  transportes  du  diable  qu'ils  en  sont  ensorceles  du  tout,  Ils  ont  donc  besoin  que  la  parole  de  Dieu  leur  soit  comme  une  medecine,  voire  bien  aspre,  mais  aussi  ce  sera  pour  leur  salut,  s'ils  la  recoivent  en  toute  modestie  et  douceur.  Voila  donc  ce  que  nous  avons  a  noter.  C'est  que  quand  Dieu  nous  envoie  sa  parole,  mesmes  qu'il  nous  menace,  qu'il  se  monstre  comme  Iuge  ayant  le  bras  leve  a  l'encontre  de  nous,  c'est  pour  nous  attirer  a  repentance,  a  fin  qu'ayans  honte  de  nous  mesmes,  nous  soyons  abbatiis,  et  que  cette  tristesse  que  nous  aurons  conceue  de  nos  peches,  soit  pour  nous  faire  hair  le  mal  qui  est  en  nous,  et  pour  nous  faire  aimer  le  bien,  lequel  auparavant  nous  reiettions.  Voila  a  quoy  Dieu  pretend  quant  il  nous  envoiera  quelque  chastiement,  et  qu'il  nous  menacera  de  son  ire,  mais  notons  aussi  qu'il  ne  nous  fait  pas  ceste  grace  tousiours.  Il  est  vray  que  c'est  l'ordinaire,  mais  quand  nous  avons  abuse  par  trop  de  sa  patience,  il  faudra  que  nous  oyons  un  message  qui  sera  a  nostre  confusion.  Nous  oyons  ce  qui  est  dit  au  Prophete  Isaye,  Va,  aveugle  ce  peuple  icy.  Le  prophete  executant  sa  commission,  declare  au  peuple,  Mal-heureux,  vous  estes  reprouves  de  vostre  Dieu.  Et  dequoy  sert  cela  au  peuple  de  l'aveugler  d'avantage?  que  quand  il  oyt  ceste  predication  il  faut  qu'il  en  soit  endurci.  Craignons  donc  qu'un  tel  mal  ne  nous  avienne,  car  ce  qui  est  la  dit  n'ha  pas  este  seulement  pour  un  coup,  mais  comme  il  est  monstre  par  toute  l'escriture,  il  faut  que  tout  cela  soit  accompli  au  regne  de  nostre  Seigneur  Iesus  Christ.  Voila  donc  une  vengeance  que  Dieu  executera  sur  tous  rebelles  et  obstines.  C'est  que  quand  ils  n'auront  rien  profite  si  on  les  ha  reprins,  qu'il  faudra  en  la  fin  qu'ils  soyent  endurcis  du  tout.  Et  faudra  que  les  remonstrances  et  exhortations  qu'on  leur  aura  faites  ne  leur  servent  que  de  plus  grande  condemnation.  Aprenons  donc  que  Balsazar  a  este  endurci,  que  Dieu  luy  a  envoyee  cette  escriture,  ce  qui  n'a  point  este  pour  l'attirer  a  repentance.  Il  avoit  fait  ce  bien  a  son  grand  pere  Nabuchodonozor,  mais  il  ne  le  fait  pas  k  cestui-cy.  Ainsi  donc  craignons  de  regimber  a  l'encontre  de  Dieu,  a  fin  que  sa  doctrine  nous  profite.  Or  cependant  nous  voyons  aussi  a��  qui  c'est  que  le  Roy  Balsazar  s'est  tourne,  et  qu'il  ha  son  recours.  C'est  aux  Chaldeens,  aux  Devins,  et  aux  sages  de  son  Royaume,  il  va  cercher  la  lecture  de  ce  que  Dieu  luy  ha  mande  par  sa  main,  aux  devins,  aux  sorciers,  et  a  ses  enchanteurs  accoustumes.  Et  c'est  bien  mal  fait  son  profit  de  cet  ad-