25:332  Iehovae:  istae,  inquam,  sunt  profectiones  eorum  per  egressus  eorum.  3.  Profecti  sunt  igitur  e  Ramesse  mense  primo,  decimaquinta  die  mensis  primi,  postera  die  Phase  egressi  sunt  filii  Israel  in  manu  excelsa  in  oculis  omnium  Aegyptiorum.  4.  (Aegyptii  autem  interim  sepeliebant  quos  percusserat  Iehova  ex  eis,  omnem  primogenitum,  et  in  diis  eorum  fecerat  Iehova  iudicia).  5.  Profecti  sunt,  inquam,  filii  Israel  e  Ramesse,  et  castrametati  sunt  in  Suchoth.  6.  Profecti  autem  de  Suchoth,  castrametati  sunt  in  Etham,  quae  est  in  extremo  deserti.  7.  Et  profecti  de  Etham,  reversi  sunt  in  Phi-hahiroth,  qui  est  ante  Baalsephon,  et  castrametati  sunt  ante  Migdol.  8.  Profecti  vero  de  PM-hahiroth,  transierunt  per  medium  maris  in  desertum  :  et  ambulaverunt  viam  trium  dierum  per  desertum  Etham,  et  castrametati  sunt  in  Marah.  9.  Profecti  vero  de  Marah  venerunt  in  Elim:  in  Elim  vero  erant  duodecim  fontes  aquarum,  et  septuaginta  palmae,  et  castrametati  sunt  illic.  10.  Et  profecti  ex  Elim,  castrametati  sunt  iuxta  mare  Suph,  ll.  Profecti  autem  e  mari  Suph,  castrametati  sunt  in  deserto  Sin.  12.  Et  profecti  e  deserto  Sin,  castrametati  sunt  in  Dophcah.  13.  Profecti  autem  e  Dophcah,  castrametati  sunt  in  Alus.  14.  Et  profecti  ex  Alus,  castrametati  sunt  in  Rephidim,  ubi  non  erant  aquae  populo  ad  bibendum.  15.  Ideo  profecti  e  Rephidim,  castrametati  sunt  in  deserto  Sinai.  16.  Profecti  autem  e  deserto  Sinai,  castrametati  sunt  in  Gibroth-Hathaavah.  ll.  Et  profecti  ex  Gibroth-Hathaavah,  castrametati  sunt  in  Haseroth.  18.  Et  profecti  de  Haseroth,  castrametati  sunt  in  Rithmah.  19.  Profecti  vero  de  Rithmah,  castrametati  sunt  in  Rimmon  Peres.  20.  Et  profecti  e  Rimmon  Peres,  castrametati  sunt  in  Libnah.  21.  Profecti  vero  e  Libnah,  castrametati  sunt  in  Rissah.  22.  Et  profecti  e  Rissah,  castrametati  sunt  in  Ceheloth.  23.  Profecti  item  e  Ceheloth,  castrametati  sunt  in  monte  Sepher.  24.  Profecti  quoque  e  monte  Sepher,  castrametati  sunt  in  Haradah.  25.  Et  profecti  sunt  e  Haradah,  et  castrametati  sunt  in  Macheloth.  26.  Et  profecti  e  Macheloth,  castrametati  sunt  in  Thahath.  27.  Profecti  autem  e  Thahath,  castrametati  sunt  in  Tharah.  28.  Profecti  quoque  e  Tharah,  castrametati  sunt  in  Micheah.  29.  Profecti  item  e  Micheah,  castrametati  sunt  in  Hasmonah.  30.  Et  profecti  sunt  de  Hasmonah,  et  castrametati  sunt  in  Moseroth.  31.  Et  profecti  de  Moseroth,  castrametati  sunt  in  Bene-iaacan.  32.  Profectique  e  Bene-iaacan,  castrametati  sunt  in  Hor  Gilgad.  33.  Et  profecti  de  Hor  Gilgad,  castrametati  sunt  in  Iotbathah.  34.  Et  profecti  de  Iotbathah,  castrametati  sunt  in  Abronah.  35.  Profecti  vero  ex  Abronah,  castrametati  sunt  in  Esion-gaber.  36.  Et  profecti  ex  Esion-gaber,  castrametati  sunt  in  deserto  Sin,  quod  est  Cades.  37.  Et  profecti  sunt  e  Cades,  et  castrametati  sunt  in  Hor  monte,  in  extremo  terrae  Edom.  38.  Ascendit  autem  Aharon  sacerdos  in  Hor  montem  iuxta  sermonem  Iehovae,  et  mortuus  est  anno