20:332  divinitate.  Cuius  rei  passim  dicunt  meminisse  Hilarium,  contra  solitarium  seu  unicum  Deum.  Proinde  non  dubitant  manifeste  retorquere,  trinitarios  istos  fictitios  deos  et  fictitia  nomina  colere,  non  in  scripturis  patefacta,  sed  ex  philosophia  et  sophistica  desumpta.  Nulla  enim  ratione  istam  propositionem  admittere  volunt:  pater,  filius  et  spiritus  sanctus  est  aut  sunt  unus  Deus,  sed  loquendum  esse  secundum  scripturam  esse  illos  unum,  non  unus:  quod  unus,  seu,  ut  dicunt,  singularis  seu  unicus,  a  patre  uno  excludat  filium  et  spiritum  sanctum,  et  amittat  mediatorem,  vel  constituat  confusionem  Sabellii:  et  oriri  inde  infinita  monstra,  Patripassianos  et  id  genus.  Manendum  itaque  dicunt  in  terminis  scripturae,  quae  nusquam  dicat,  quod  pater,  filius  et  spiritus  sanctus  sit  unus  Deus,  sed  quod  hi  tres  unum  sint,  non  unus.  Ac  multa  profecto  est  digladiatio  de  istis  voculis  unus  et  unum:  et  propositionem  illam  unus  Deus,  potissimum  vero  si  absolute  ponatur,  referendam  esse  ad  patrem,  ita  tamen  ut  non  excludatur  filius  a  divinitate,  nec  spiritus  sanctus.  Nam  et  filium  dicunt  esse  Deum,  et  spiritum  sanctum  deum,  sed  addunt  cautelam,  de  Deo  scilicet  patre,  qui  omnium  sit  Deus,  quia  et  Christi  Deus.  Christus  vero  non  posset  dici  omnium  Deus,  quod  ex  illo  non  sit  pater,  sed  filius  ex  substantia  patris  subsistat.  Et  propterea  ordine  naturae  incipiendum  esse  semper  a  patre  dum  in  unius  Dei  sermonem  incidimus.  Ac  quod  ad  illum  orationes  invocationesque  nostrae  directae  esse  debeant,  idque  praeeunte  semper  fiducia  mediatoris  Christi,  cuius  interpretationis  ipsummet  Christum  dominum  interpretem  esse  ostendunt.  Verbi  gratia  dum  a  propheta  dicitur:  Audi  Israel,  dominus  Deus  tuus,  Deus  unus  est:  per  quae  verba  Deum  patrem  intelligunt,  et  adducunt  ex  novo  testamento  Christi  domini  interpretationem:  Quem  vos  dicitis  Deum  vestrum  esse,  pater  unus  est.  ex  quo  loco  et  similibus  inferunt  quandam  conclusionem.  Quotiescunque  in  scripturis  Deus  absolute  ponitur,  semper  intelligendum  et  referendum  esse  ad  patrem.  Ac  eo  spectare  dicunt  alios  scripturae  locos:  1  Corinth.  8  :  Scimus  quod  nihil  est  simulacrum  in  mundo,  et  quod  nullus  sit  Deus  alius,  nisi  unus.  Nam  etiamsi  sint  qui  dicantur  Dii,  sive  in  coelo,  sive  in  terra,  quemadmodum  sunt  dii  multi  et  domini  multi,  nobis  tamen  unus  est  Deus,  pater  ille  ex  quo  omni$,  et  nos  in  illum,  et  unus  dominus  Iesus  Christus,  per  quem  omnia,  et  nos  per  illum.  Item  ad  Ephes.  4:  Unus  dominus,  una  fides,  unum  baptisma,  unus  Deus  et  pater  omnium,  qui  est  supra  omnes,  et  per  omnia,  et  in  omnibus  vobis.  Rom.  16:  Soli  sapienti  et  immortali  Deo  per  Iesum  Christum  honor  et  gloria  in  secula.  1  ad  Timoth.  1  :  Gratia  misericordia,  pax  a  Deo  patre  nostro  et  a  Iesu  Christo  domino  nostro.  Et  paulo  infra:  Regi  autem  secu-