1:332  [A  33,  B31;  C31.  satis  superque  est  eatenus  intelligere,  ne  tergiversari  queant,  quin  teste  conscientia  convincantur.  Et1  )  si  rationem  nostram  volumus  ad  Domini  legem  exigere,  quae  perfectae  est  iustitiae  exemplar,  comperiemus  quam  multis  partibus  caecutiat.  Certe  quae  in  prima  tabula  praecipua  sunt,  minime  assequitur;  qualia  sunt  de  fiducia  in  Deum,  de  virtutis  et  iustitiae  laude  illi  tribuenda,  de  nominis  eius  invocatione,  de  vero  sabbatismo.  Quae  unquam  anima,  naturali  sensu  freta,  subodorata  est  in  his  et  similibus  positum  esse  legitimum  Dei  cultum?  Nam  quum  volunt  iniqui  Deum  colere,  etiam  si  centies  revocentur  ab  inanibus  suis  nugis,  semper  tamen  illuc  relabuntur;  hunc  spiritualem  cultum  unum  esse  qui  Deo  placeat,  persuaderi  nullo  modo  possunt.  Dicamne  praestare  ulla  perspicacia  mentem,  quae  nec  per  se  sapere,  nec  monitionibus  auscultare  valet?  In  secundae  tabulae  praeceptis  aliquanto  plus  habet  intelligentiae;  quo  scilicet  ad  civilis  inter  homines  societatis  conservationem  propius  accedunt.  Quanquam  et  hic  deliquium  interdum  pati  deprehenditur.  Excellentissimo  enim  cuique  ingenio  absurdissimum  est,  iniquam  ac  nimis  imperiosam  dominationem  ferre,  si  qua  modo  ratione  depellere  queat.  Nec  aliud  est  iudicium  humanae  rationis,  quam  servilis  esse  abiectique  animi,  patienter  eam  ferre;  rursum  honesti  ingenuique  pectoris  excutere*  Atqui  Dominus  nimia  ista  ingenuitate  damnata,  illam  apud  homines  infamem  patientiam  suis  praescribit.  44.  Omnino  autem  in  universa  legis  observatione  perspicientiam  nostram  fugit  concupiscentiae  animadversio.  Non  enim  adduci  se  sustinet  animalis  homo,  ut  cupiditatum  suarum  morbos  recognoscat.  Ante  suffocatur  naturae  lumen,  quam  ad  primum  huius  abyssi  ingressum  accedat.  Nam  dum  philosophi  pro  vitiis  notant  immoderatos  animi  motus,  illos  exstantes  et  se  crassioribus  signis  exserentes  intelligunt;  quae  autem  placide  titillant  animum  prava  desideria,  nihili  reputant.  Quare,  ut  supra  merito  reprehensus  est  Plato,  quod  omnia  peccata  ignorantiae  imputarit,  ita  et  eorum  est  repudianda  opinio,  qui  consultam  malitiam  et  pravitatem  in  omnibus  peccatis  intercedere  tradunt.  Nimium  enim  experimur,  quoties  labamur  cum  bona  nostra  intentione.  Tot  obruitur  hallucinationum  formis  nostra  ratio,  tot  erroribus  est  obnoxia,  in  tot  impedimenta  impingit,  tot  angustiis  irretitur,  ut  plurimum  a  certa  directione  absit.  Quam  vero  nihil  sit  coram  Domino  in  cunctis  vitae  partibus,  Paulus  ostendit  (2  Cor.  3,  5),  dum  negat  nos  idoneos  qui  cogitemus  ex  nobis  quidpiam,  tanquam  ex  nobis.  Non  de  voluntate  loquitur  aut  affectu;  sed  hoc  quoque  adimit  1)  Hic  incipit  .  43.  in  edd.  1550  et  1554