9:331  331  RESPONSUM  AD  BLANDRATAE  QUAESTIONES.  332  sincere  et  absque  fuco  vel  fallacia  credat  in  Deum  patrem,  in  Dominum  Iesum  Christum,  et  in  unum  spiritum,  id  sufficere.  Sed  inde  simul  elicere  licet,  fucum  facere,  qui  se  in  Christum  credere  profitentur,  cuius  aeternam  deitatem  abnegant.  Similiter  in  spiritum,  quem  non  putant  Deum  esse,  si  pater  sit  Deus.  Tales  enim  Dei  essentiam  discerpere  palam  est,  nec  unitatem  retinere,  quum  patris  divinitatem  asserere  nequeant,  nisi  eam  detrahant  filio  et  spiritui  sancto.  Qui  vero  fidem  orthodoxam  odiose  calumniantur  hoc  praetextu,  quod  speculatio  de  unica  essentia  et  tribus  personis  inutilis  sit,  improbam  malitiam  produnt  :  quia  non  speculamur  ultra  quam  scriptura  nos  attollit:  sed  genuinum  et  simplicem  eius  sensum  reddimus.  Nemo  enim  Christum  ex  animo  agnoscet  Deum  suum,  nisi  qui  in  essentiae  unitate  diversas  personas  apprehenderit,  nam  deorum  pluralitas,  quam  fingunt  nonnulli,  exsecrabile  est  delirium.  l)  Et  quibus  nimis  arguta  videtur  haec  distinctio,  monendi  sunt,  ut  attentius  quam  exitialis  sit  sua  ficta  simplicitas  expendant.  Quia  ubi  Christum  confessi2)  fuerint  Deum  esse,  nunquam  se  ex  Satanae  laqueis  aliter  expedient,  quam  distinctione  ista  quam  fugiunt  interposita.  Huc  spectavit  Nicaenum  concilium,  ubi  asseruit  Christum  esse  Deum  de  Deo.  Neque  enim  duos  fabricare  voluit  deos,  sed  quamvis  a  patre  distinctus  sit  filius,  verum  tamen  Deum  esse  et  eundem  cum  ipso,  excepta  personae  notatione.  Sic  quum  Athanasius  et  reliqui  veteres  dixerunt  coessentialem  patri  filium,  non  aliud  senserunt,  3)  quam  eiusdem  esse  essentiae,  quia  unica  sit  et  individua.  Qui  autem  duos  numero  faciunt  deos,  nunquam  ex  hoc  absurdo  elabi  poterunt,  quin  partibilem  faciant  essentiam  Dei.  Ita  dixerunt  tres  coaeternos,  et  tamen  Deum  unum  aeternum:  quia  non  nisi  in  Deo  uno  residet  aeternitas,  quae  tamen  tribus  personis  est  eommu-  1)  Edd.  ut  ea  deorum  pluralitas  .  .  .  .  sit  delirium.  2)  professi  Edd.  3)  censuerunt  Edd.