8:331  331  DE  AETERNA  DEI  332  disputarem,  defendere  necessitas  compulit.  Didicimus  enim  singulas  haereses  intulisse  ecclesiae  proprias  quaestiones:  contra  quas  diligentius  defenderetur  scriptura  divina,  quam  si  nulla  talis  necessitas  cogeret.  Caeterum,  videamus  qualis  ista  sit,  quam  ostendit,  Augustini  subscriptio.  In  eo,  inquit,  noster  est,  quod  vocationis  contemptum  reprobationis  causam  affirmat.  Longe  vero  ipse  aliter,  [pag.  146]  Nam  in  libro  Retractationum  1)  dicit,  pro  libero  hominis  arbitrio  sic  laboratum  esse,  ut  tandem  vicerit  Dei  gratia.  Verum,  ut  omittam,  quid  illic  et  duobus  in  locis  a  me  citatis  dicat,  mentem  suam  fidelius  saltem,  quam  mille  tui  similes,  exponens:  quomodo  in  eum  plus  quam  impudenter  conferre  audes,  quod  toto  opere  non  minus  fortiter  reiicit,  quam  ingenue  damnat?  Ne  longior  sim:  quae  Pighius  pro  se  verba  adducit,  apud  Augustinum  quidem  exstant,  sed  eadem  pagina  refutantur.2)  Si  propterea  dictum  est,  inquit,  non  volentis,  neque  currentis,  sed  miserentis  est  Dei,  quia  voluntas  hominis  sola  non  sufficit  ut  iuste  recteque  vivamus,  nisi  adiuvetur  misericordia  Dei  :  potest  et  hoc  modo  dici:  Igitur  non  miserentis  est  Dei,  sed  hominis  volentis:  quia  misericordia  Dei  sola  non  sufficit,  nisi  consensus  nostrae  voluntatis  addatur.  At  illud  manifestum  est:  frustra  nos  velle,  nisi  Deus  misereatur:  illud  autem  nescio  quomodo  dicatur,  frustra  Deum  misereri,  nisi  nos  velimus.  Si  enim  Deus  miseretur,  etiam  volumus:  quia  ad  eandem  misericordiam  pertinet,  ut  velimus,  iuxta  illud:  Deus  est  qui  operatur  et  velle  et  perficere.  Nam  si  quaeramus,  utrum  Dei  donum  sit  voluntas  bona  :  mirum  si  quisquam  negare  audeat.  Paulo  post:  Itaque  verum  est:  non  volentis  neque  currentis,  sed  miserentis  Dei:  quia  etiam  si  multos  vocet,  [pag.  147]  eorum  tamen  miseretur  quos  ita  vocat,  quomodo  vocari  illis  aptum  est,  ut  sequantur.  Falsum  autem  si  quis  dicit:  Non  miserentis  Dei,  sed  volentis  hominis  est:  quia  nullius  frustra  Deus  miseretur.  Cuius  enim  miseretur,  sic  eum  vocat,  quomodo  scit  ei  congruere,  ut  vocantem  non  respuat.  Est  quidem  verissimum  quod  praefatus  erat  Pighius,  ventilari  ab  Augustino  istam,  de  qua  nunc  agitur,  quaestionem.  Sed  ipse  graviter  peccat,  quod  quisquilias  in  aerem  sparsas  arripiens,  quod  deinde  in  vanno  residuum  apparet  triticum  negligit.  Nunc3)  dandus  Georgio  quoque  Siculo  est  1)  Lib.  retractat.  2  cap.  1.  2)  Circa  dimid,  libri  prioris.  3)  Maintenant  il  est  bon  que  le  moine  George  viene  aussi  en  rang  et  que  nous  oyons  les  beaux  argumens  qu'il  ameine  outre  Pighius  pour  ruiner  l'election  de  Dieu  quant  aux  fideles.  Ie  ne  daigneroye  point  m'amuser  a  tels  fatras  n'estoit  que  ie  voy  que  le  diable  s'en  sert  pour  troubler  beaucoup  de  povres  ignorans  et  infirmes  et  que  par  ce  moyen  il  nuit  beaucoup  a  l'Eglise  etc.