54:331  331  SERMON  XXVIII  332  nous  en  parle,  nous  sommes  surprins  de  frayeur,  qu'il  semble  que  tout  soit  perdu.  Et  ainsi  pour  prendre  la  mort  tout  quoyement,  et  pour  y  aller  avec  une  telle  constance  que  nous  ne  soyons  point  retardez  de  nous  offrir  a  Dieu  quand  il  nous  appelle,  notons  ce  mot  de  sainct  Paul,  Qu'est-ce  que  mort?  Resolution:  c'est  a  dire,  que  s'il  y  a  un  changement  en  nos  corps,  ce  n'est  pas  que  nous  perissions,  ne  que  nous  soyons  aneantis  du  tout,  car  nous  demeurons  tousiours  en  nostre  entier.  Il  est  vray  que  les  corps  s'en  vont  en  pourriture:  mais  nous  avons  la  resurrection  qui  nous  est  promise  au  dernier  iour.  Oonfions-nous  donc  en  cela.  Il  est  vray  qu'encores  n'est-ce  point  assez  :  car  nous  serions  tousiours  en  scrupule,  ainsi  que  les  infideles,  lesquels  ne  scavent  qu'ils  deviendront:  combien  qu'ils  scachent  que  leurs  ames  soyent  immortelles,  Et  que  scavons-nous  (disent-ils)  qu'il  en  sera  fait?  Mais  quand  nous  avons  la  promesse  de  salut,  que  nous  cognoissons  que  nostre  Dieu  veut  estre  gardien  de  nos  ames,  il  faut  couper  broche  a  toute  doute  et  desfiance,  et  pour  ce  faire  il  faut  revenir  a  ce  que  nous  avons  allegue  de  David,  Seigneur,  Ie  te  remets  mon  ame  en  ta  main.  Il  disoit  cela  durant  sa  vie  :  il  voyoit  qu'il  estoit  en  des  hazars  continuels,  Et  bien,  Seigneur,  tu  me  garderas  :  combien  que  ie  soye  assiege  d'une  centeine  de  morts,  si  est-ce  que  ie  seray  en  seurete  en  ta  main.  Il  nous  faut  donc  ensuivre  ceste  regle-la,  estans  asseurez  que  Dieu  ne  nous  laissera  point  a  l'abandon,  qu'il  ne  nous