51:331  331  SERMON  VK  332  de  l'esperance  de  la  vie  eternelle,  qui  nous  a  este  acquise  par  nostre  Seigneur  Iesus  Christ.  Car  nous  scavons  combien  que  les  hommes  en  general  soyent  subiets  a  beaucoup  d'afflictions,  et  que  ceste  vie-ci  non  sans  cause  soit  nommee  vallee  de  miseres,  toutesfois  que  Dieu  exerce  plus  ses  enfans  en  beaucoup  de  povretez  qu'il  ne  fait  pas  les,  autres  :  car  ils  ont  besoin  aussi  d'estre  tousiours  advisez  de  renoncer  au  monde.  Si  nous  estions  ici  trop  a  nos  aises  et  en  delices,  que  seroit-ce,  veu  que  nous  ne  laissons  pas  de  nous  y  endormir,  combien  que  Dieu  nous  pieque  et  nous  solicite  en  tant  de  sortes  de  passer  viste  sans  nous  arrester  ici  bas?  Voila��  donc  en  somme  comme  Dieu  nous  exercera  en  beaucoup  de  sortes,  apres  nous  avoir  appelez  a  la  foy  de  l'Evangile:  car  autrement  nous  serions  desgoustez  de  ie  servir,  et  nous  sembleroit  que  son  amour  seroit  une  chose  bien  maigre,  sinon  que  nous  apprinssions  de  quitter  tout  le  reste,  comme  chose  de  neant  ou  de  petite  valeur,  et  que  nous  embrassions  Iesus  Christ.  Apprenons  donc  que  sainct  Paul  nous  a  ici  voulu  tellement  attirer  a  Dieu,  que  rien  n'empesche  que  nous  ne  cheminions  en  nostre  vocation  :  et  si  nous  n'avons  pas  en  ce  monde  qui  nous  contente,  que  nous  apprenions  de  priser  mieux  que  nous  ne  faisons  pas  les  benefices  inestimables  de  nostre  Dieu,  a  fin  que  nous  puissions  dire  avec  David  (comme  il  en  parle  au  Pseaume  16),  l'ay  mon  heritage  qui  me  suffit,  puis  que  Dieu  s'est  donne  a  moy,  i'ay  un  partage  si  excellent  que  ce  m'est  tout  un  de  passer  parmi  toutes  les  afflictions  de  ce  monde.  La  pouvrete,  les  maladies,  les  opprobres,  les  craintes  et  les  menaces,  toutes  ces  chosesla  me  seront  douces,  moyennant  que  ie  possede  mon  Dieu,  et  qu'il  me  face  tousiours  sentir  comme  il  m'a  choisi  et  reserve  a  soy,  et  qu'il  veut  que  ie  soye  participant  de  tous  ses  biens.  Voila,  donc  en  somme  comme  de  ce  passage  nous  pouvons  estre  exhortez  et  fortifiez  a  patience,  pour  porter  doucement  toutes  les  afflictions  et  miseres  de  ce  monde,  et  n'estre  point  faschez  ni  ennuyez:  combien  que  Dieu  nous  face  boire  souvent  du  bruvage  amer,  et  que  nous  ayons  occasion  de  gemir  et  nous  lamenter,  neantmoins  que  nous  n'entrions  point  en  querimonie:  mais  que  nous  scachions  que  Dieu  nous  a  donne  une  bonne  consolation,  quand  il  nous  a  appelez  pour  estre  participans  de  son  royaume,  et  que  desia  il  a  tellement  desploye  sa  vertu  en  nous,  que  nous  devons  estre  comme  eslevez  par  dessus  toutes  choses  terrestres,  et  les  regarder  comme  a  nos  pieds.  Or  d'autant  que  nous  n'appercevons  pas  encores  une  telle  plenitude  des  graces  de  Dieu  comme  il  seroit  a  desirer,  voila  pourquoy  S.  Paul  nous  ramene  a  la  personne  de  nostre  Seigneur  Iesus  Christ.  Et  de  faict,  s'il  n'eust  point  adiouste  que  Dieu  a  desploye  sa  vertu