50:331  331  SERMONS  332  ils  luy  ont  ravi  tout  ce  qui  luy  appartenoit:  et  mesmes  au  lieu  qu'il  est  appele  Legislateur,  Iuge  et  Roy,  pour  monstrer  qu'il  faut  que  luy  seul  gouverne/  nous  voyons  comme  les  hommes  se  sont  revestus  de  toutes  ces  plumes-la.  Gardons  nous  donc  d'une  telle  confusion,  et  si  nous  croissons,  que  tousiours  nous  demeurions  en  ceste  racine  et  en  ce  fondement  de  ceste  simplicite  de  l'Evangile:  gardons  bien  que  nous  n'en  declinions  tant  peu  que  ce  soit.  Or  quant  a  ce  qui  est  ici  recite  de  la  conversion  de  sainct  Paul,  c'est  tousiours  tendant  a  ce  but,  que  nous  scachions  qu'il  ne  s'est  point  ingere  de  soy-mesrne:  mais  que  Dieu  luy  a  tendu  la  main,  et  que  la  doctrine  qu'il  a  preschee,  il  l'a  eue  de  revelation,  tellement  qu'on  la  peut  tenir  sans  aucune  difficulte  comme  parole  procedante  de  la  bouche  de  Dieu,  comme  une  verite  certaine  et  infaillible.  Nous  avons  desia  dit  que  si  un  homme  prestend  d'estre  ouy  pour  son  scavoir,  pour  son  grand  sens  et  profond,  pour  son  beau  parler,  pour  avoir  grande  eloquence  que  toutes  ces  choses-la  ne  sont  que  puantise  et  ordure:  mais  qu'il  faut  que  Dieu  ait  ceste  authorite,  et  que  nous  luy  facions  hommage.  Et  d'autant  que  Dieu  a  voulu  parler  a  nous  par  la  bouche  de  son  Fils  unique,  que  Iesus  Christ  ait  ce  titre-ia  luy  seul,  d'estre  maistre  et  docteur  de  tous  les  siens,  et  que  vrayement  nous  soyons  son  troupeau  pour  ouir  sa  voix.  Voila  comment  nostre  Seigneur  Iesus  Christ  sera  honore  entre  nous,  c'est  a  scavoir  que  nous  luy  soyons  vrais  escholiers,  et  sans  feintise.  En  la  Papaute  on  adorera  bien  en  l'honneur  de  Iesus  Christ  quelque  marmouset:  mais  cependant  l'Evangile  est  mis  sous  le  pied,  on  blasphemera  a  l'encontre:  et  cependant  encores  cuident  ces  poures  aveugles  s'estre  tres  bien  acquittez.  Voire,  mais  c'est  pleinement  cracher  au  visage  de  nostre  Seigneur  Iesus  Christ,  quand  on  renonce  sa  Parole,  en  laquelle  on  doit  contempler  sa  gloire  et  sa  maieste:  comme  sainct  Paul  en  parle  en  la  seconde  des  Corinthiens.  Il  n'est  point  donc  question  d'honorer  nostre  Seigneur  Iesus  Christ  quand  on  luy  fera  beaucoup  d'agios  et  de  ceremonies:  mais  quand  on  s'a8subietit  simplement  a  la  doctrine  en  laquelle  il  veut  estre  cognu,  et  eu  laquelle  aussi  il  se  monstre  a  nous  comme  face  a  face.  Voila  donc  en  somme  ce  que  nous  avons  a  retenir.  Or  cependant  en  ceste  conversion  de  sainct  Paul  nous  voyons  bien  la  vertu  celeste  laquelle  il  nous  a  ici  voulu  monstrer,  c'est  a  scavoir  que  ceste  facon  n'a  pas  este  humaine:  mais  que  Dieu  a  desploye  son  bras,  a  fin  qu'on  cognust  qu'un  tel  changement  venoit  de  luy,  et  que  sainct  Paul  estoit  comme  une  creature  nouvelle.  Car  de  faict,  c'est  un  ouvrage  de  Dieu  plus  excellent,  quand  un  homme  est  repare  a  son  image,  que  quand  nous  naissons  tous  en  ceste  vie  caduque.  Et  voila  comme  sainct