5:331  CATECHISMUS.  Non  concupisces  uxorem  proximi  tui,  ete*  Quo  Dominus  frenum  cupiditatibus  nostris  omnibus  iniicit,  quae  caritatis  fines  transsiliunt.  Quidquid  enim  praeter  dilectionis  regulam,  opere  admittere  praecepta  alia  vetant,  hoc,  animo  concipere  prohibet.  Proinde  hoc  praecepto  odium,  invidia,  malevolentia,  non  secus  atque  antea  homicidium,  damnantur.  Libido,  et  interior  cordis  spurcitia,  aeque  ac  scortatio,  prohibentur.  Ubi  prius  rapacitas,  vafrities,  hic  avaritia:  ubi  maledicentia,  hic  malignitas  ipsa  compescitur.  Videmus  quam  sit  generalis,  quamque  longe  ac  late  pateat  huius  mandati  sententia.  Mirabilem  enim  requirit  affectum  Deus,  et  fratrum  amorem  supra  modum  ardentem,  quem  ne  ulla  quidem  cupiditate,  contra  proximi  bonum  ac  commodum,  vult  excitari.  Haec  igitur  praecepti  summa:  sic  nos  esse  animatos  debere,  ut  neque  ulla,  praeter  dilectionis  legem,  cupiditate  titillemur:  et  reddere  unicuique,  quod  suum  est,  libentissime  parati  simus.  Id  autem  uniuscuiusque  esse  reputandum  est,  quod  illi  ex  officio  nostro  debemus.  LEGIS  SUMMA.  Quorsum  autem  universa  legis  praecepta  spectent  satis  declaravit  Christus  dominus  noster,  dum  [pag.  14]  toliam  legem  duobus  capitibus  comprehensam  esse  docuit.  Ut  dominum  Deum  nostrum  diligamus  ex  toto  corde  nostro,  ex  tota  anima,  ex  tota  virtute.  Deinde,  ut  proximum  amemus,  aeque  ac  nos  ipsos  (Matth.  22,  37).  Quam  interpretationem  ex  ipsa  lege  sumpsit.  Nam  prior  pars  Deuter.  6.  legitur,  altera  Levit.  19.  QUID  EX  SOLA  LEGE  AD  NOS  REDEAT.  En  verum  iustae  ac  sanctae  vitae  exemplar,  adeoque  imago  iustitiae  ipsius  absolutissima.  Ut  si  quis  vita  legem  Dei  expresserit,  ei  ad  perfectionem  coram  Domino  nihil  sit  defaturum.  Quod  ut  ipse  testatum  faciat,  non  eximias  modo  vitae  praesentis  benedictiones,  quae  Levit.  26.  et  Deuter.  27.  recensentur:  sed  aeternae  etiam  vitae  remunerationem  pollicetur  iis,  qui  legem  suam  impleverint.  Rursum  aeternae  mortis  ultionem  in  omnes  pronunciat,  qui  non  impleverint  opere  quaecujique  illis  mandavit.  Moses  quoque,  lege  promulgata,  coelum  ac  terram  attestabatur,  quod  populo  bonum  ac  malum,  vitam  ac  mortem  proposuisset.  Verum  etiamsi  viam  vitae  ostendat,  videndum  tamen,  quid  ea  demonstratione  nobis  conferre  possit.  Sane  si  voluntas  nostra  tota  in  obedientiam  divinae  voluntatis  formata  compositaque  foret,  plane  ad  salutem  sufficeret  sola  cognitio  legis.  At  quum  natura  nostra,  carnalis  et  corrupta,  cum  spirituali  Dei  lege  hostiliter  pugnet,  nec  eius