49:331  331  EPIST.  PAULI  AD  CORINTHIOS  I  332  Qui  factus  est  nobis  a  Deo.  Quoniam  plerique  reperiuntur  qui,  quum  recedere  a  Deo  ex  professo  non  velint,  aliquid  tamen  extra  Christum  quaerunt,  perinde  ac  si  non  omnia  in  se  unus  contineret:  obiter  enumerat  quibus  quantisque  thesauris  instructus  sit  Christus,  et  simul  ut  exprimat  quis  sit  in  Christo  subsistendi  modus.  Nam  dum  Christum  iustitiam  nostram  appellat,  subaudienda  est  antithesis,  quod  in  nobis  nihil  sit  nisi  peccatum  :  et  sic  in  aliis.  Quatuor  porro  Christo  elogia  hic  adscribit,  quae  totam  eius  virtutem,  et  quidquid  ab  ipso  bonorum  recipimus  complectuntur.  Primo  dicit,  n  o  b  i  s  f  a  c  t  um  e  s  s  e  s  a  p  i  e  n  t  i  a  m  .  Quo  intelligit,  absolutam  sapientiae  perfectionem  in  ipso  nos  obtinere  :  quia  se  in  eo  pater  nobis  ad  plenum  revelaverit,  ne  quid  praeter  ipsum  scire  appetamus.  Similis  est  locus  ad  Colossenses  2,  3.  In  ipso  reconditos  esse  omnes  thesauros  sapientiae  et  scientiae  :  de  quo  inferius  capite  proximo  plura.  Secundo  dicit,  n  o  b  i  s  f  a  c  t  u  m  esse  in  i  u  s  t  i  -  t  i  a  m  :  quo  intelligit,  nos  eius  nomine  acceptos  esse  Deo,  quia  morte  sua  peccata  nostra  expiaverit,  et  eius  obedientia  nobis  in  iustitiam  imputetur.  Nam  quum  fidei  iustitia  in  peccatorum  remissione  et  gratuita  acceptione  consistat,  utrumque  per  Christum  consequimur.  Tertio  vocat  s  a  n  c  t  i  f  i  c  a  t  i  o  -  nem:  quo  intelligit,  nos  alioqui  natura  profanos,  spiritu  eius  regenerari  in  sanctitatem,  ut  serviamus  Deo.  Unde  etiam  colligimus  non  posse  nos  gratis  iustificari  sola  fide,  quin  simul  sancte  vivamus.  Istae  enim  gratiae  quasi  individuo  nexu  cohaerent  :  ut  qui  eas  separare  nititur,  Christum  quodammodo  discerpat.  Proinde  qui  per  Christum  gratuita  Dei  bonitate  iustificari  quaerit,  cogitet  fieri  hoc  non  posse  quin  simul  in  sanctificationem  eum  apprehendat:  hoc  est,  eius  spiritu  renascatur  in  vitae  innocentiam  et  puritatem.  Qui  autem  nos  calumniantur,  quasi  gratuitam  fidei  iustitiam  praedicando  a  bonis  operibus  avocemus  homines,  abunde  hinc  refelluntur,  quod  fides  non  minus  regenerationem  in  Christo  apprehendit  quam  peccatorum  veniam.  Rursum  observa  sic  duo  ista  Christi  officia  coniungi,  ut  tamen  distinguatur  unum  ab  altero  :  quae  ergo  Paulus  nominatim  discernit,  perperam  confundere  non  licet.  Quarto,  i  n  r  e  d  e  m  p  t  i  o  -  nem  datum  esse  docet  :  quo  intelligit  eius  beneficio  nos  tam  ab  omni  peccati  servitute,  quam  omni  miseria,  quae  inde  manat,  liberari.  Ita  redemptio  primum  Christi  donum  est  quod  inchoatur  in  nobis,  et  ultimum  perficitur.  Hoc  enim  salutis  est  initium,  quod  ex  peccati  et  mortis  labyrintho  extrahimur  :  interea  tamen  usque  ad  ultimum  resurrectionis  diem  gemimus  desiderio  redemptionis,  ut  habetur  Rom.  8,  26.  Modns  autem  si  quaeritur,  quo  Christus  in  redemptionem  nobis  datus  est,  respondeo,  quia  pretium  se  constituit.  Postremo,  bonorum  omnium,