41:331  331  SERMON  I.  332  avec  les  bestes.  Mais  quoy,  cela  se  met  en  oubly,  que  le  Dieu  vivant  est  moque,  toute  la  religion  est  foulee  aus  pieds,  voire,  alors  que  Dieu  monstre  sa  principale  vertu  pour  saccager  le  royaume  de  Babilone.  Voila  Balsazar  qui  est  plein  d'ivrongnerie,  d'intemperance,  de  toute  impiete,  Et  pour  cette  cause  il  est  dit  qu'une  main  apparoist  a  Balsazar,  voire  comme  une  main  d'homme  qui  escrivoit  en  la  paroy  au  pres  du  chandelier.  Balsazar  regardant  ceste  main,  est  trouble  en  telle  sorte  que  ses  reins  se  desserroient,  et  ses  genoux  heurtoient  l'un  l'autre,  qu'il  n'y  avoit  ny  nerfs  ny  veine  en  luy  qui  ne  se  retirassent,  ny  os  qui  ne  fussent  desioincts.  Vray  est  qu'il  ne  pensoit  pas  que  ce  peril  luy  fust  si  prochain,  ny  eminent.  Mais  quand  Dieu  luy  apparoist  par  ce  moyen,  il  connoist  qu'il  faut  que  Dieu  leve  sa  main  a.  l'encontre  de  luy.  Et  n'y  ha  nulle  doute  que  Dieu  ne  luy  face  sentir  sa  maieste,  laquelle  il  avoit  eu  en  mespris  auparavant.  Voila  donc  une  fraieur  et  une  crainte  excessive  qui  surprend  le  Roy  Balsazar,  Et  sur  cela  il  est  dit,  qu'il  mande  les  Chaldeens,  les  Astrologues,  les  Devins,  et  les  sages  de  Babilone,  a,  fin  qu'ils  luy  dient  l'escriture,  et  qu'ils  luy  exposent.  Mais  quand  tous  ses  sages  la  sont  venus,  ils  ne  font  rien,  et  confessent  qu'ils  ne  scavent  lire  l'escriture,  ny  en  donner  l'exposition.  Voila,  en  somme,  ce  qui  est  icy  recite.  Or  pour  le  premier,  il  nous  faut  voir  a  quelle  fin  c'est  que  Dieu  ha  voulu  donner  cette  sentence  contre  Balsazar.  Ce  n'est  point  a  fin  de  Pexhorter  a  repentance.  Il  avoit  fait  cette  grace  a  Nabuchodonozor,  mais  il  ne  la  veut  pas  faire  a  Balsazar:  Aussi  nous  verrons  quelquefois  que  Dieu  envoiera  sa  parole  aux  hommes,  et  ce  ne  sera  pas  pour  les  convertir,  mais  a  fin  qu'elle  leur  soit  en  plus  grande  condemnation.  Il  est  vray  que  le  propre  naturel  de  la  parole  de  Dieu,  est,  de  nous  attirer  a  luy,  car  il  nous  promet  de  nous  faire  misericorde,  mais  quand  nous  ne  voulons  point  venir  h  luy  de  nostre  bon  gre,  il  faut  que  sa  parole  nous  soit  aspre  et  dure,  iusques  a  ce  que  nous  soyons  assuiettis  a  icelle.  Quand  donc  nostre  Seigneur  usera  de  rigueur  a  l'encontre  de  nous,  qu'il  semblera  qu'il  nous  doive  foudroier,  II  n'y  ha  nulle  doute  qu'il  ne  convertisse  le  tout  a  nostre  salut.  Il  est  vray  que  ceux  qui  voudront  estre  flattes,  trouveront  cecy  estrange.  Et  comment,  diront-ils,  On  crie  tousiours  a  l'encontre  de  nous.  Et  pauvres  malheureux,  si  vous  connoissies  ce  qui  est  en  vous,  vous  connoistries  combien  il  vous  est  necessaire  d'user  d'un  tel  stile,  si  vous  voules  estre  amenes  a  Dieu.  S'il  y  a  un  malade  qui  soit  en  si  grande  alteration  qu'il  n'en  puisse  plus,  si  on  luy  donne  a  boire  tout  son  saoul,  on  ne  le  fera  que  gaster,  sinon  qu'on  remedie  a  son  mal  en  premier  lieu,  il