25:331  331  REDITUS  AD  HISTORIAM.  332  Genesareth.  In  effusionibus  collis  non  consentiunt  interpretes,  quia  Asedoth  Pisgah  quidam  volunt  nomen  proprium  esse  urbis:  malo  tamen  appellative  sumere  nomen  effusionum,  non  pro  fontibus  et  rivis,  sed  pro  radice,  ubi  terra  per  acclivem  descensum  quodammodo  se  effundere  videtur.  Pisgah  unum  esse  ex  verticibus  montis  Abarim  postea  videbimus.  18.  Praecepique  vobis.  Ad  eos  quidem  solos  dirigitur  sermo  quibus  trans  Iordanem  dabatur  haereditas.  Ostendit  tamen  Moses  pactum  se  interposuisse,  ne  sua  ditione  ante  fruerentur  duae  illae  tribus  cum  dimidia,  quam  belli  societate  defunctae  essent  in  subigenda  terra  Chanaan.  Dicit  ergo  se  dedisse  illis  locum,  non  in  quo  statim  quiescerent,  sed  in  quo  deponerent  uxores  suas,  et  peculium,  donec  toti  populo  tranquilla  esset  sua  statio.  EX  DEUT.  CAP.  IV.  41.  Tunc  separavit  Moses  tres  urbes  trans  Iordanem  ad  exortum  solis:  42.  Ut  fugeret  illuc  homicida  qui  occidisset  proximum  suum  nesciens  '),  quem  non  odisset  ab  heri  ep  nudiustertius:  ut  fugeret  ad  unam  ex  urbibus  istis,  et  viveret.  43.  Bezer  in  deserto,  in  terra  planitiei  a  Rubenitis:  Bamoth  Galaad  a  Gaditis,  et  Golan  in  Basan  a  Manasse.  Sex  urbes  (ut  alibi  visum  est)  destinaverat  Deus  in  refugium,  si  quis  hominem  occiderat,  modo  suam  innocentiam  iudicibus  probaret.  In  tribus  quas  trans  Iordanem  assignaverat,  narrat  Moses  se  fideliter  praestitisse  quod  Deus  iusserat.  Unde  apparet,  quamvis  non  statim  omni  ex  parte  satisfieri  posset  Dei  mandato,  non  tamen  exspectasse  dum  tres  aliae  urbes  accederent:  sed  quantum  ferebat  facultas,  suo  munere  fuisse  perfunctum.  Quo  exemplo  discamus,  etiam  ubi  ad  finem  non  statim  perducere  licebit  quod  aggredi  iubet  Deus,  minime  tamen  cunctandum  esse.  Nec  vero  nos  aliud  moratur  quam  mera  segnities,  nisi  Deo  iubente  mature  incipimus  quod  Deus  per  alios  absolvi  ac  finiri  vult.  NUMER.  CAP.  XXXIII.  1.  Istae  sunt  profectiones  filiorum  Israel,  qui  egressi  sunt  e  terra  Aegypti,  per  exercitus  suos,  per  manum  Mosis  et  Aharon.  2.  Scripsit  autem  Moses  egressus  eorum  per  profectiones  eorum  iuxta  sermonem  1)  In  margine:  vel,  per  errorem,  vel,  per  incogitantiam.