20:331  331  EPISTOLA  4125  332  bulo  Elohim  tanquam  per  mysterium  et  sacramentum  quoddam  profluxisse:  intulit  quoque  ac  conclusit,  tanquam  tesseram  et  symbolum  christianitatis  retinendum  esse,  et  qui  illud  reiiceret  et  usurpare  nollet,  non  alio  loco  habendum  esse  quam  in  populo  Israelis  habiti  sunt  Ephraimitae  a  Galaditis,  qui  vocabulum  spicae  hebraico  sermone  non  recte  exprimerent,  Sibolet  pro  Schibolet.  Nota  est  historia  ex  XII.  cap.  Iud.  Ac  quum  is  idem  minister  apud  quosdam  eius  farinae  reprehenderetur  de  sanguinario  eius  spiritu,  deque  eo,  quod  ad  domesticam  seditionem  et  civile  bellum  classicum  insonare  videatur,  responderunt  illi,  id  ipsum  se  in  epistola  P.  T.  videre,  in  cuius  calce  haec  verba  scripta  sunt:  ^Superest  est  nunc,  generosi  nobiles  et  praestantissimi  viri,  ut  in  huius  caussae  defensione  infatigato  studio  pergatis.  Res  est  non  levis  momenti  .tenere  Christum  esse  unicum  Deum,  a  quo  vita  ��et  salus  petenda  est,  et  in  quo  gloriari  fas  est.  wId  vobis  eripere  conantur  sacrilegi  isti  errones.  .Quare  non  aliter  vobis  certandum,  quam  si  ad  wDeum  fictitium  vos  abducerent.  Pluribus  vos  hort  a  r  e  r  ,  nisi  sponte  satis  animatos  esse  confiderem.u  Hac  tenus  sunt  verba  praestantiae  tuae.  Et  non  fallit  equidem  eandem  praestantiam  tuam  eius  augurium,  satis  enim,  quin  plus  quam  satis  ad  eam  rem  istos,  qui  eius  sententiae  sunt,  animatos  esse,  quod  videlicet  armis,  sanguine,  persequutionibus,  atque  adhibita  externa  vi,  suam  quidem  tueri,  contrariae  vero  partis  exterminare  sententiam  sibi  statuant.  Sed  et  diversae  quoque  factioni  non  deest  animi  constantia,  non  deest  virium,  opum,  amicorum,  affinitatum  assistentia  atque  robur,  tum  maior  pars  doctorum  et  excellentium  quorumque  virorum  et  ministrorum  pro  hac  parte  stat,  qui  pro  defensione  caussae  suae  parati  sunt  extrema  quaeque  pati  atque  adire.  At  quorsum  in  tanta  odiorum  exacerbatione  res  spectet,  facile  pro  tua  eximia  prudentia  tecum  animo  expendere  poteris.  Sciunt  enim  isti,  quae  fuit  olim  poena  contra  cultores  fictitiorum  deorum  constituta,  nempe  ipsa  lapidatio  et  exterminatio  e  medio  populi.  Haec  sane  sparsa  sunt  per  totam  Poloniam,  non  sine  invidia  nominis  praest.  tuae.  Dicunt  enim  isti  nequaquam  se  colere  fictitios  deos,  sed  aeternum  Deum  patrem  conditorem  rerum  omnium  visibilium  et  invisibilium,  et  eius  unigenitum,  coaeternum  et  consubstantialem  filium,  et  spiritum  sanctum,  paracletum,  illum  quidem  generatione,  istum  processione  inenarrabili  a  patre,  hoc  est,  ex  substantia  patris  subsistentes,  neque  se  unicum  Deum  Christum  colere  audacter  profitentur,  quod  non  possit  esse  unicus,  qui  habeat  patrem  et  mittat  spiritum  sanctum  paracletum  in  corda  fidelium  ab  eodem  patre,  quod  scilicet  unicus  singularitatem  denotet,  et  realem  existentiam  et  distinctionem  personarum  tollat  aut  confundat  in