1:331  INSTITUTIO  BEL.  CHRIST.  1539  .  1554.  e  s  s  e  vice  legis,  ideoque  ad  iustam  earum  damnationem  sufficere.  Finis  ergo  legis  naturalis  est,  ut  reddatur  homo  inexcusabilis.  Nec  male  hoc  modo  definietur:  quod  sit  conscientiae  sensus,  inter  iustum  et  iniustum  sufficienter  discernentis,  ad  tollendum  hominibus  ignorantiae  praetextum,  dum  suo  ipsorum  testimonio  redarguuntur.  Ea  est  hominis  erga  se  ipsum  indulgentia,  ut  in  malis  perpetrandis  libenter  mentem  a  peccati  sensu,  quoad  licet,  semper  avertat.  Qua  ratione  videtur  impulsus  fuisse  Plato,  1)  ut  existimaret  non  peccari  nisi  ignorantia.  Id  quidem  ab  eo  convenienter  dictum  foret,  si  humana  hypocrisis  tantum  in  tegendis  vitiis  proficeret,  ut  mens  non  sibi  male  conscia  esset  coram  Deo.  Sed  quum  subterfugiens  peccator  impressum  sibi  boni  et  mali  iudicium,  illuc  identidem  retrahatur,  nec  connivere  ita  permittatur,  quin  cogatur,  velit  nolit,  aliquando  aperire  oculos:  falso  dicitur,  ipsum  ignorantia  sola  peccare.  42.  Verrus  Themistius,  qui  intellectum  in  definitione  universali,  seu  rei  essentia,  rarissime  falli  docet;  2)  hallucinationem  esse,  quum  ultra  progreditur,  nempe  quum  ad  hypothesin  descendit.  Homicidium  esse  malum,  si  in  genere  quaeratur,  nemo  erit  qui  non  affirmet;  qui  autem  conspirat  in  mortem  inimici,  tanquam  de  re  bona  deliberat.  Adulterium  in  genere  damnabit  adulter;  in  suo  privatim  sibi  blandietur.  Haec  est  ignorantia,  dum  homo,  ubi  ad  hypothesin  ventum  est,  eius  regulae  obliviscitur  quam  in  thesi  nuper  constituerat.  De  qua  re  elegantissime  disserit  Augustinus  in  expositione  primi  versus  Psalmi  57.  Quanquam3)  ne  istud  quidem  est  perpetuum.  Sic  enim  interdum  flagitii  turpitudo  conscientiam  urget,  ut  non  sibi  imponens  sub  falsa  boni  imagine,  sed  sciens  et  volens,  in  malum  ruat.  Ex  quo  affectu  prodeunt  istae  voces:  video  meliora  proboque;  deteriora  sequor.4)  Quare  mihi  scitissime  Aristoteles  inter  incontinentiam  et  intemperantiam  videtur  distinxisse.5)  Ubi  incontinentia  regnat,  dicit  per  affectum  perturbatum  seu  πάθος  particularem  notitiam  menti  eripi,  ne  malum  observet  in  suo  facinore,  quod  generaliter  in  similibus  cernit;  ubi  deferbuit  perturbatio,  poenitentiam  extemplo  succedere.  Intemperantiam  autem  non  exstingui  aut  frangi  peccati  sensu,  sed  contra  obstinate  in  suscepta  mali  electione  persistere.  43.  Porro  quum  iudicium  universale  audis  in  boni  et  mali  discrimine,  ne  sanum  ubique  et  integrum  esse  putes.  Nam  si  in  hunc  tantum  finem  iusti  et  iniusti  delectu  imbuta  sunt  corda  hominum,  ne  ignorantiae  excusationem  praetexant,  minime  necessarium  est  veritatem  in  singulis  cernere.  Sed  1)  In  Protagora.  2)  Paraph,  in  3.  de  anima,  c.  46.  3)  Rie  incipit  .  42.  in  edd.  1550  et  1554.  4)  Medea  apud  Ovid.,  Met.  5)  Lib.  Ethic.  7.  c.  3.