7:330  eum,  poscentes  ut  mortui  suscitentur  in  gloriam  quam  ut  peccatorum  remissionem  consequantur,  qualis  fuit  eius  postulatio.  Caeterum  ubi  certam  orationis  formam  concepit  Christus,  non  mortuos  complexus  est,  sed  primo  loco  apostolos  suos,  deinde  omnes  qui  in  se  credituri  essent.  Eodem  capite  non  aliud  eiectis  suis  comprecatur,  nisi  ut  a  maligno  liberentur,  quod  ad  mortuos  nihil  spectat,  ut  alio  loco  dicetur.  Ex  eiusmodi  apertis  orandi  formulis  potius  discendum  nobis  est  pro  quibus  precatus  sit  Christus.  2.  Eadem  est  ratio  illius  intercessionis  qua  nunc  sanctuarium  coeli  ingressus  defungitur.  Mors  enim  eius  aeterna  est  quaedam  intercessio  [pag.  75]  pro  peccatorum  remissione,  resurrectio  pro  vita  aeterna.  Ab  hac  exin  ad  huiusmodi  intercessiones  deduci  nulla  ratio  patitur,  quum  nihil  habeant  simile.  Quin  etiam  si  huic  intercessioni  certas  et  definitas  petitiones  affingamus,  ridicule  id  facimus:  quandoquidem  per  ipsam  intelligendum  nihil  aliud  est  quam  aeterna  mortis  et  resurrectionis  Christi  virtus.  B.  Precatio  cuius  meminit  autor  epistolae  ad  Hebraeos  ea  ipsa  est  quae  ab  evangelistis  recitatur,  nempe  haec:  Pater,  si  fieri  potest,  transeat  a  me  calix  iste.  Neque  obest  quod  illic  dicitur  fuisse  exauditus;  quo  significatur  simpliciter,  patrem  filii  sui  votis  non  habuisse  clausas  aures.  Ne  quis  autem  hoc  alienum  a  scriptoris  sensu  commentum  esse  causetur,  nihil  apertius  e&t  quam  istam  esse  germanam  loci  sententiam:  filius  erat  non  neglectus  a  patre,  oravit  ut  a  morte  liberaretur,  discere  tamen  patiendo  obedientiam  ipsum  oportuit.  Quod  ex  Psalmo  16.  citatur,  non  est  vice  precationis  accipiendum.  Infirmum  enim  alioqui  fuisset  Petri  argumentum  ex  hoc  loco  ad  probandam  Christi  resurrectionem.  Colligit  enim  id  in  Davidem  competere  non  potuisse,  quando  eius  cadaver  computraisset.  Nonne  tota  eius  ratiocinatio  eludi  poterat,  si  quis  respondisset,  Davidem  quidem  orasse,  sed  non  exorasse?  Neque  etiam  si  concedatur,  Christum  a  patre  petiisse  ut  suscitaretur,  protinus  illud  exemplum  ad  nos  derivari  potest,  quorum  [pag.  76]  non  refert  suscitari,  nisi  impleto  Christi  regno.  Illius  autem,  qui  aliis  vitae  fiducia  esse  debebat,  necessaria  erat  subita  resurrectio,  ut  ne  corruptione  quidem  attingeretur.  4.  Gemitus  ille  fidelium,  quo  in  suae  redemptionis  manifestationem  suspirant,  videndum  est  e  quo  fonte  oriatur.  Dixerat  paulo  ante  apostolus,  ipsas  quoque  inanimatas  creaturas  naturali  quadam  inclinatione  ferri  in  suam  perfectionem,  quae  gloriam  regni  Dei  consequetur.  Hinc  a  minori  ducit  rationem.  Multo  igitur  magis  nobis  ingemiscendum,  qui  spiritus  primordiis  sumus  praediti.  Ex  ea,  inquam,  fiducia  proficiscitur  eiusmodi  desiderium.