55:330  Propterea  mundus.  Haec  tentatio  graviter  fidem  oppugnat,  adeo  non  reputari  nos  in  filiis  Dei,  vel  ullam  tantae  praestantiae  notam  in  nobis  conspici,  ut  potius  nos  totus  fere  mundus  ludibrio  habeat.  Ergo  ex  praesenti  statu  vix  colligi  potest,  Deum  esse  nobis  patrem  :  sicuti  diabolus  omnia  machinatur,  ut  hoc  beneficium  obscuret.  Huic  scandalo  medetur  quum  dicit,  nos  hodie  quales  sumus  nondum  agnosci,  quia  mundus  Deum  non  cognoscit:  itaque  non  esse  mirum,  si  eius  filios  contemnat.  Cuius  rei  illustre  speculum  exstitit  in  Isaac  et  Iacob.  Nam  quum  uterque  a  Deo  electus  esset,  illum  Ismael  risu  et  sannis,  hunc  Esau  minis  et  gladio  persequebatur.  Ergo  utcunque  videamur  oppressi  in  mundo,  stat  nihilominus  salus  nostra  recta  et  incolumis.  2.  Nunc  filii  Dei  sumus.  Nunc  ad  proprium  cuiusque  sensum  descendit.  Nam  quamvis  impii  nos  ad  spem  abiiciendam  non  sollicitent,  praesens  tamen  nostra  conditio  a  gloria  filiorum  Dei  multum  abest.  Nam  quantum  ad  corpus  spectat,  pulvis  et  umbra  sumus:  mors  semper  ante  oculos  versatur:  interea  mille  aerumnis  sumus  obnoxii:  anima  vero  innumeris  malis  subiecta:  ita  in  nobis  infernum  semper  reperiemus.  Quo  magis  necesse  est  sensus  omnes  nostros  abstrahi  a  praesenti  rerum  adspectu,  ne  miseriae,  quibus  undique  circumdati  sumus  et  prope  obruti,  eius  felicitatis,  quae  adhuc  latet,  fiduciam  nobis  excutiant.  Hoc  enim  apostoli  consilium  est,  perperam  nos  esse  facturos,  si  ex  praesenti  statu  aestimemus  quid  nobis  Deus  contulerit:  sed  indubia  fide  tenendum  esse  quod  nondum  apparet.  Scimus  autem  quod  si  apparuerit.  Haec  conditio  resolvi  debet  in  adverbium  temporis  Ubi,  vel  Quum.  Porro  verbum  hoc,  apparuerit,  diverso  sensu  quam  prius  accipitur.  Dicebat  nuper  apostolus,  nondum  apparuisse  quod  simus  futuri,  quod  absconditus  sit  adoptionis  nostrae  fructus:  quia  in  coelo  est  nostra  felicitas,  non  autem  procul  inde  in  terra  peregrinamur:  quia  haec  caduca  vita,  et  centum  assidue  mortibus  subiecta,  longe  dissimilis  est  aeternae  gloriae,  quae  Dei  filios  decet:  quia  carnis  ergastulo  servilem  in  modum  inclusi,  longe  a  libero  coeli  terraeque  dominio  distamus.  Nunc  vero  ad  Christum  refert  particulam  istam,  quum  apparuerit.  Idem  enim  docet  quod  Paulus  ad  Colossenc68  cap.  3,  3,  ubi  dicit,  Vita  vestra  cum  Christo  abscondita  est:  ubi  vero  Christus  apparuerit  vita  vestra,  tunc  et  vos  cum  ipso  apparebitis  in  gloria.  Neque  enim  aliter  stare  fides  nostra  potest,  quam  dum  in  Christi  adventum  respicit.  Nam  haec  causa  est  our  Deus  gloriae  nostrae  manifestationem  differat,  quia  nondum  manifestatus  sit  Christus  cum  potentia  regni  sui.  Haec  inquam  una  est  sustinendae  fidei  nostrae  ratio,  ut  patienter  vitam  nobis  promissam  exspectemus.  Simul  ac  paululum  a  Christo  quispiam  deflexerit,  necesse