52:330  tamen  silentio  aeque  magnificum  patrocinium  doctrinae  fuit,  ap  si  clamose  eam  Maius  foret  Nam  suo  illam  sanguine  et  mortis  sacrificio  melius  quam  voce  sancivit.  Hanc  vocat  bonam  confessionem.  Nam  Socrates  quoque  mortuus  est:  neque  tamen  mors  eius  legitima  fuit  doctrinae,  quam  tenebat,  comprobatio.  At  quum  audimus  fusum  esse  sanguinem  filii  Dei,  iliud  sacrosanctum  est  sigillum,  quod  omni  dubitatione  nos  eximit.  Ergo  quoties  vacillant  animi,  meminerimus,  a  Christi  morte  confirmationem  esse  subinde  petendam.  Cuius  enim  ignaviae  foret,  talem  ducem  nobis  praeeuntem  deserere?  14.  Ut  serves  mandatum.  Nomine  mandati  significat  quae  hactenus  de  officio  Timothei  disseruit:  quorum  haec  fuit  summa,  ut  se  fidelem  Christo  et  ecclesiae  ministrum  praeberet.  Quid  enim  opus  est  hoc  extendere  ad  totam  legem?  nisi  forte  simpliciter  accipere  quis  malit  pro  functione  illi  iniuncta.  Neque  enim  constituimur  ecclesiae  ministri,  quin  simul  nobis  Deus  praescribat  quidnam  agere  nos  velit.  Ita  servare  mandatum,  nihil  aliud  esset  quam  munus  sibi  commissum  bona  fide  exsequk  Omnino  certe  ad  ministerium  Timothei  refero.  Quae  sequuntur  epitheta,  quod  ad  casum  et  terminationem  spectat,  graece  tam  mandato  quam  personae  Timothei  conveniunt:  sensus  tamen,  quem  reddidi,  multo  est  aptior.  Admonet  autem  Paulus,  vitae  sanctitati  et  puris  moribus  studendum  esse,  si  velit  Timotheus  rite  suo  muneri  satisfacere.  Usque  ad  revelationem  Domini  nostri  Iesu  Christi.  Dici  non  potest  quam  fuerit  piis  omnibus  necessarium  illo  tempore,  mentes  habere  in  diem  Christi  prorsus  defixas:  quum  in  mundo  quaquaversum  occurrerent  innumera  scandala.  Undique  impetebantur,  omnibus  odio  erant  et  exsecrationi,  omnium  ludibriis  expositi  erant,  quotidie  premebantur  novis  aerumnis:  nullus  interea  tot  laborum  et  molestiarum  fructus  apparebat.  Quid  igitur  erat  reliquum,  nisi  ut  cogitatione  transvolarent  ad  beatum  illum  diem  redemptionis  nostrae?  Quamquam  eadem  hodie  quoque  ratio  apud  valet:  imo  fere  omnibus  sacculis  est  communis.  Quam  multa  enim  assidue  oculis  nostris  ingerit  Satan,  quae  alioqui  nos  a  recto  proposito  centies  abducerent?  Omitto  ignes,  gladios,  exilia,  et  omnes  furiosos  hostium  impetus:  omitto  calumnias  et  alias  vexationes:  quam  multa  sunt  intus  longe  peiora?  Insurgunt  ambitiosi  homines,  subsannant  Epicurei  et  Lucianici,  insultant  protervi,  fremunt  hypocritae,  qui  secundum  carnem  sapiunt,  oblique  nos  mordent,  sollicitamur  variis  artibus  huc  et  illuc.  Denique  ingens  est  miraculum  quum  in  tam  arduo  et  periculoso  munere  quispiam  infractus  perseverat.  His  tot  difficultatibus  unicum  est  remedium,  oculos  coniicere  in  Christi  apparitionem,  et  illinc  semper  pendere.  Quia  autem  praecipites  in  votis  nostris  solemus  ferri,  et  parum  abest  quin