51:330  au  ciel  ils  ont  dit  que  cela  estoit  de  la  faculte  des  hommes,  et  qu'il  leur  appartenoit  de  se  reigler  en  toute  vertu.  Or  les  Iuifs  et  les  Papistes  n'auront  pas  cela  du  tout  :  car  ils  confessent  (comme  desia  nous  avons  touche)  que  nous  avons  besoin  de  l'aide  de  Dieu:  mais  cependant  si  veulent-ils  que  nous  meslions  de  nostre  sainctete  propre  avec  la  grace  de  Dieu,  et  que  nous  pouvons  cooperer,  (comme  ils  disent)  tellement  que  tout  conte  et  rabatu,  le  principal  se  trouveroit  tousiours  en  nous.  Or  voyons  comme  le  S.  Esprit  en  parle.  Pourquoy  est-ce  qu'il  use  de  tous  ces  mots,  hautesse,  vertu,  force,  efficace,  puissance?  Pourquoy  entasse-il  tout  cela  en  un,  sinon  pour  monstrer  que  les  hommes  sont  enragez  quand  ils  veulent  usurper  plus  qu'il  ne  leur  appartient?  Il  n'y  a  ici  mot  qui  ne  soit  pour  rabatre  nostre  caquet,  quand  nous  nous  vanterons  seulement  d'une  petite  goutte  de  bien.  Car  si  les  hommes  disent,  I'ay  encores  quelque  bon  mouvement  en  moy,  i'ay  quelque  portion  de  vertu:  voici  sainct  Paul  qui  dit,  Hautesse  :  comme  s'il  vouloit  monstrer  que  tout  le  bien  que  nous  avons,  est  par  dessus  le  monde,  et  qu'il  n'a  point  sa  racine  ni  sa  source  en  nous,  mais  qu'il  vient  d'enhaut,  comme  S.  Iaques  en  parle.  Apres,  si  les  hommes  disent,  Et  nous  avons  quelque  vertu  pour  resister  a  nos  vices  et  pour  batailler  contre  les  tentations:  sainct  Paul  dit  ici  que  nostre  force,  nostre  vertu  et  nostre  puissance  est  de  Dieu,  et  qu'il  faut  qu'il  la  nous  communique,  et  que  nous  la  recevions  de  luy.  Si  les  hommes  disent,  Et  encores  en  nous  esvertuant  nous  pourrons  bien  faire  ie  ne  scay  quoy:  sainct  Paul  dit,  II  n'y  a  efficace,  il  n'y  a  execution,  sinon  d'autant  que  Dieu  la  donne:  comme  aussi  il  en  parle  au  deuxieme  chapitre  des  Philippiens,  quand  il  dit  qu'il  nous  faut  bien  cheminer  en  crainte  et  sollicitude,  d'autant  que  c'est  Dieu  qui  selotii  sa  bonne  volonte  donne  et  le  vouloir  et  le  parfaire:  c'est  a  dire,  qu'il  commence  et  qu'il  amene  son  ouvrage  iusques  a  la  fin  et  a  l'issue.  Bref,  notons  qu'autant  de  mots  qu'il  y  a  ici,  ce  sont  grans  coups  de  tonnerre  et  de  foudre  pour  abatre  et  abysmer  toute  presomption  humaine,  a  ce  que  nous  estans  confus  puissions  donner  a  Dieu  la  gloire  qu'il  merite,  et  avec  toute  humilite  passer  condamnation  pure  et  franche,  cognoissant  que  tout  bien  procede  de  luy,  et  que  c'est  de  luy  seul  que  nous  le  tenons.  Voila  donc  en  somme  ce  que  nous  avons  a  retenir  de  ce  passage,  c'est  de  nous  aneantir  en  telle  sorte,  que  nous  ne  vueillions  point  faire  partage  avec  Dieu,  pour  dire  que  seulement  il  nous  aide,  et  qu'il  y  a  la  quelque  portion  de  sa  grace  et  de  son  sainct  Esprit  avec  nostre  franc-arbitre  :  mais  que  purement  et  simplement  nous  luy  attribuyons  toute  la  louange  de  nostre  salut.  Au  reste,  que  ceci  nous  face  mespriser  le  monde,  a  fin  de  nous  contenter