50:330  on  Pa  veu  en  sa  personne,  ne  pouvoit  advenir  sinon  que  Dieu  y  eust  mis  la  main,  et  qu'il  y  eust  besongne  d'une  facon  secrete  et  non  accoustumee.  Voila  donc  en  somme  ou  il  pretend,  quand  il  dit  que  les  Galatiens  ont  cognu  quelle  estoit  sa  conversation  ou  sa  facon  de  vivre.  Nous  avons  ici  une  bonne  instruction:  mais  pour  en  mieux  faire  nostre  profit,  notons  que  sainct  Paul  continue  ce  qu'il  a  touche  par  ci-devant,  c'est  a  scavoir  qu'on  ne  trouvera  point  en  nulle  creature  un  fondement  ferme  pour  establir  nostre  foy:  mais  il  faut  que  Dieu  seul  en  soit  l'autheur:  et  combien  que  les  hommes  soyent  moyens  et  instrumens,  neantmoins  qu'ils  ont  besoin  qu'ils  soyent  authorisez  de  Dieu,  et  qu'on  cognoisse  qu'il  les  a  envoyez  et  les  approuve,  et  qu'ils  n'apportent  rien,  sinon  ce  qu'ils  tiennent  de  luy.  Or  il  est  certain  que  sainct  Paul  meritoit  bien  d'avoir  quelque  credit  et  audience  entre  les  hommes,  si  on  regarde  les  vertus  qui  estoyent  en  luy.  Mais  tant  y  a  qu'il  cognoist  et  confesse  qu'il  n'est  rien  quant  a  soy,  et  que  tout  ce  qu'il  a,  c'est  seulement  de  servir  a  nostre  Seigneur  Iesus  Christ,  et  d'annoncer  fidelement  ce  qu'il  a  receu  de  luy.  Que  sera-ce  donc  de  ceux  qui  n'ont  ne  vie,  ne  doctrine,  ne  rien  qui  soit?  Quand  ils  se  diront  Prelats,  et  qu'ils  s'attribueront  quelque  hautesse  et  superiorite,  s'il  faut  qu'on  recoive  ce  qu'ils  disent,  sont-ils  bien  avancez  par  dessus  sainct  Paul?  Or  tant  y  a  qu'il  faut  que  toute  hautesse  humaine  cesse,  qu'elle  soit  abaissee,  et  que  rien  n'empesche  que  Iesus  Christ  ne  soit  exalte.  Comme  aussi  sainct  Iean  Baptiste,  combien  qu'il  eust  ce  tesmoignage  d'estre  le  plus  excellent  qui  fust  nay  de  femme,  si  est-ce  toutesfois  qu'il  dit  et  que  luy  et  que  les  autres  soyent  diminuez,  moyennant  que  Iesus  Christ  croisse.  Comme  aussi  sainct  Paul  en  parle  en  l'autre  lieu,  quand  il  dit  qu'il  faut  que  l'Eglise  se  bastisse  tellement  que  Iesus  Christ  nostre  chef  ait  tousiours  la  preeminence.  Car  si  on  vouloit  tellement  exalter  les  hommes  que  Iesus  Christ  fust  obscurci  au  milieu,  voila  un  bastiment  espouvantable,  et  qui  n'emporte  que  ruine  et  confusion.  Et  de  faict,  si  un  homme  devenoit  gros  comme  un  pilier  de  ce  temple,  et  que  sa  teste  fust  comme  un  poing,  et  qu'elle  fust  cachee  dedans  ses  espaules,  ce  seroit  un  monstre:  il  vaudroit  beaucoup  mieux  qu'il  retinst  sa  mesure  commune.  Or  tout  ainsi  que  l'Eglise  est  le  corps  de  nostre  Seigneur  Iesus  Christ,  aussi  il  faut  qu'il  soit  esleve  par  dessus  tous,  et  que  chacun  regarde  a  luy,  et  qu'on  s'y  tienne.  Et  de  faict  auiourd'huy  les  Papistes  se  condamnent  par  leur  proverbe,  quand  ils  disent  qu'on  ne  cognoist  point  Dieu  pour  ses  Apostres.  Et  de  faict,  ils  ont  tellement  enseveli  Iesus  Christ,  qu'il  est  comme  cache  en  ce  monde:  car