5:330  benedictionem  Dominus  pollicetur  filiis,  qui  parentes,  qua  decet,  observatione  coluerint:  simul  innuit  omnibus  immorigeris  ac  inobsequentibus  certissimam  imminere  maledictionem??Sed  istud  etiam  obiter  adnotandum,  quod  illis  obedire  non  nisi  in  Domino  iubemur.  Proinde  non  committendum,  ut  in  eorum  gratiam  Domini  legem  transgrediamur.  Tum  enim  non  parentes  nobis  habendi  sunt,  sed  extranei,  qui  nos  a  veri  patris  obedientia  subducere  conantur.  Non  occides.  Quo  nobis  violentia  omnis  ac  iniuria,  et  omnino  quaevis  noxa,  qua  proximi  corpus  laedatur,  [pag.  12]  .interdicta  est.  Nam  si  hominem  ad  imaginem  Dei  meminerimus  esse  conditum,  sacrosanctum  eum  habere  debemus:  utpote  qui  violari  nequeat,  quin  imago  quoque  Dei  violetur.  Non  moechaberis.  Quo  omne  scortationis  et  impudicitiae  genus  facessere  a  nobis  iubet.  Dominus  enim  virum  mulieri  sola  coniugii  lege  adiunxit.  Et  eam  societatem,  sua  autoritate  initam,  sua  quoque  benedictione  sanctificavit.  Unde  constat,  aliam,  quam  coniugii  societatem  coram  ipso  maledictam  esse.  Itaque  qui  continentiae  dono,  singulari  quidem  illo,  nec  in  cuiuslibet  potestate  sito,  praediti  non  sunt,  carnis  suae  intemperantiae  honesto  matrimonii  remedio  succurrant.  Honorabile  enim  inter  omnes  matrimonium  (Hebr.  13,  4):  scortatores  autem,  et  adulteros,  iudicabit  Deus.  Non  furaberis.  Quo  alter  alterius  facultatibus  insidiari,  in  universum  prohibemur.  Omnes  enim  rapinas,  quibus  imbecilles  vexentur  ac  opprimantur,  omnes  fraudes,  quibus  simpliciorum  innocentia  circumveniatur,  longe  a  populo  suo  abesse  vult  Dominus.  Quare  si  puras  et  innocentes  a  furto  manus  servare  volumus,  non  minus  ab  omni  calliditate  ac  versutia,  quam  a  violenta  direptione,  nobis  abstinendum.  Non  falsum  testimonium  dices,  ete.  Ubi  maledicentiam  et  conviciosam  procacitatem,  qua  fratris  nostri  fama  proscinditur,  tum  omne  mendacium,  quo  ulla  in  parte  laeditur,  damnat  [pag.  13]  Dominus.  Nam  si  quibuslibet  thesauris  pretiosius  est  nomen  hornum,  nihilo  minore  noxa  nominis  integritate,  quam  fortunis,  spoliamur.  In  diripienda  autem  eius  substantia,  non  minus  interdum  falso  testimonio  quam  manuum  rapacitate  proficitur.  Quare,  ut  proximo  manus,  ita  hoc  mandato  lingua  cohibetur.