49:330  spectu  Dei.  Caeterum  hic  non  dicit  Paulus,  nullos  esse  nobiles  aut  potentes  a  Deo  vocatos,  sed  paucos.  Finem  indicat,  ut  Dominus  contemptibiles  magnis  praeferendo  gloriam  carnis  deiiceret.  Sed  idem  Deus  per  os  Davidis  reges  hortatur  ad  Christum  osculandum  (Psal.  2,  12):  per  os  quoque  Pauli  pronuntiat  (1.  Tim.  2,  4),  se  velle  omnes  salvos  fieri,  et  Christum  suum  omnibus  tam  parvis  quam  magnis,  tam  regibus  quam  hominibus  privatis  esse  expositum.  Huius  rei  documentum  ipse  exhibuit  :  vocantur  ad  Christum  primo  loco  pastores,  sequuntur  tamen  postea  philosophi:  piscatores  indocti  et  contempti  summum  honoris  gradum  occupant,  sed  in  eorum  scholam  deinde  recipiuntur  reges  eorumque  consiliarii,  senatores,  rhetores.  28.  Ea  quae  non  erant.  Similibus  verbis  utitur  capite  ad  Romanos  4,  17,  sed  alio  sensu.  Illic  enim  universalem  piorum  vocationem  describens,  dicit,  nos  nihil  esse  antequam  vocemur:  quod  intelligendum  est  de  veritate  coram  Deo,  etiamsi  aliquid  esse  videamur  in  oculis  hominum  :  hic  autem  ad  hominum  opinionem  referri  debet  oooevsta  de  qua  loquitur.  Quod  liquet  ex  opposito  membro,  ubi  dicit  hoc  fieri,  ut  quae  sunt,  aboleantur.  Nihil  enim  est  nisi  in  speciem  :  quia  revera  sumus  omnes  nihil.  Quae  sunt  igitur,  expone,  quae  videntur:  ut  respondeat  hic  locus  sententiis  illis:  Erigit  de  stercore  pauperem,  abiectos  in  altum  extollit,  et  similibus,  Hinc  vero  liquet  quantopere  desipiant,  quibus  aliquid  meriti  vel  dignitatis  esse  videtur  in  hominibus,  quod  ordine  antevertat  Dei  electionem.  29.  Ne  glorietur.  Tametsi  c  a  r  n  i  s  nomine  hic  et  multis  scripturae  locis  intelligantur  universi  mortales,  tamen  hoc  loco  certam  notationem  habet:  nam  contemptibiliter  spiritus  de  hominibus  loquendo  eorum  fastum  reprimit  :  sicut  Iesa.  31,  3  :  Aegyptius  caro  est,  et  non  spiritus.  Est  autem  memorabilis  sententia,  nihil  nobis  relinqui  quo  vere  gloriemur.  In  quem  finem  addita  est  particula  coram  Deo.  Coram  mundo  enim  multi  ad  momentum  falsa  gloria  se  oblectant,  sed  ea  protinus  instar  fumi  evanescit:  quamquam  hac  voce  cunctis  mortalibus,  ubi  in  Dei  conspectum  ventum  fuerit,  silentium  edicitur:  sicuti  dicit  Abacuc  (2,  20):  Obmutescat  a  facie  Dei  omnis  caro.  Quidquid  igitur  meretur  aliquam  laudem,  Deo  feratur  acceptum.  30.  Ex  ipso  vos  estis.  Ne  quid  eorum,  quae  dicta  sunt,  alienum  a  se  putent,  nunc  ad  eos  adaptat:  propterea  quod  non  sint  nisi  ex  Deo.  Nam  emphasis  est  in  verbo  estis:  quasi  dicat:  a  Deo  vobis  est  principium,  qui  ea  quae  non  sunt  vocat,  praeteritis  iis  quae  videntur  esse:  in  Christo  vero  subsistentia  vestra  fundata  est,  ita  non  est  quod  superbiatis.  Neque  de  creatione  tantum  loquitur,  sed  de  spirituali  essentia,  in  quam  renascimur  per  Dei  gratiam.  24