41:330  que  nous  y  serons  venus  avec  nos  ordures  pour  tout  polluer,  il  faudra  que  nous  sentions  un  horrible  iugement  de  Dieu  sur  nos  testes,  Et  pourtant  prions  Dieu  qu'il  nous  face  la  grace  de  ne  point  effacer  nostre  baptesme,  mais  qu'il  face  valoir  a  nostre  salut  la  promesse  qui  nous  ha  este  une  fois  la.  donnee.  Et  puis  quand  nous  venons  a  la  Cene,  que,  nous  y  venions  pour  recevoir  ce  qui  nous  est  la.  offert,  c'est  a  scavoir,  que  nous  soyons  incorpores  en  nostre  Seigneur  Iesus  Christ:  ce  que  nous  ne  pourrions  point  faire  que  nous  ne  sortions  de  nousmesmes,  que  nous  ne  soyons  desveloppes'des  ordures  de  ce  monde  icy,  avec  lesquelles  il  n'y  ha  rien  de  commun.  Or  venons  maintenant  a  ce  qui  est  icy  adiouste.  Il  est  dit  que  Balsazar,  ses  princes,  et  ses  concubines  en  beuvant  ont  loue  leurs  dieux  d'or  et  d'argent,  d'arain,  et  de  fer,  de  bois,  et  de  pierre.  Or  icy  le  Prophete  Daniel  monstre  que  les  vaisseaus  n'ont  pas  este  apportes  par  une  derision  ie  ne  scay  quelle,  comme  des  ivrongnes  feront  quelquesfois  des  actes  ou  ils  ne  penseront  point.  Si  on  leur  demande  pourquoy  faites-vous  cela?  ils  ne  scavent.  Quelquesfois  nous  verrons  mesmes  qu'ils  seront  pour  se  rompre  le  col,  Mais  Balsazar  ha  eu  une  malice  plus  grande,  c'est  a  scavoir,  que  non  seulement  il  s'est  desborde  en  cette  derision  la,  quand  des  vaisseaus  du  temple  de  Ierusalem  il  en  ha  fait  ses  triomphes,  et  les  (ha  appliques  a  ses  banquets:  mais  il  ha  voulu  despiter  Dieu  de  propos  delibere.  Ils  ont  donc  loue  leurs  idoles,  pour  dire,  Nous  avons  vaincu  le  Dieu  de  Ierusalem,  et  quoy  qu'on  dise  qu'il  eust  une  grande  puissance,  si  est-ce  que  nous  en  sommes  venus  a  bout.  Pourquoy  donc  n'aurons-nous  puissance  contre  les  ennemis  qui  nous  assaillent?  Nous  voyons  donc  l'orgueil  des  Babyloniens  et  de  Balsazar  comme  s'ils  disoient:  Nous  avons  vaincu  beaucoup  de  peuples  qui  avoient  des  dieux  fort  renommes,  et  ces  dieux  la  n'ont  peu  maintenir  leurs  gents,  Et  le  Dieu  de  Ierusalem,  que  pourra-il  faire?  Voila  comme  Balsazar  se  moque  du  Dieu  vivant  apres  avoir  despite  les  hommes,  car  apres  qu'il  s'est  iette  en  cette  furie  pour  dire,  Ie  ne  me  soucie  plus  de  mes  ennemis,  il  faut  aussi  qu'il  s'adresse  a  Dieu  :  Et  puis  que  i'ay  vaincu  ��e  Dieu  auquel  on  attribuoit  une  si  grande  vertu,  et  que  me  feront  les  Perses,  et  les  Medes?  Yoila  son  intention.  Or  il  faloit  bien  que  cecy  fust  un  grand  crevecueur  aus  pauvres  fideles  qui  estoient  captifs,  voyant  que  le  Nom  de  Dieu  estoit  ainsi  moque  et  blaspheme,  mais  cependant  Dieu  ha  este  declare  quand  l'heure  est  venue  de  s'estre  voulu  magnifier.  Desia  il  avoit  monstre  sa  vertu  en  la  personne  de  Nabuchodonozor,  voire  par  deux  fois  en  cette  vision  qu'il  luy  avoit  donnee  de  ces  Royaumes  du  monde,  et  de  nostre  Seigneur  Iesus  Christ,  et  puis  quand  il  l'avoit  chasse