25:330  erant:  et  ita  quodammodo  renovarunt  urbes  ruinis,  deformatas.  EIUSDEM  HISTORIAE  REPETITIO.  EX  DEUT.  CAP.  III.  12.  Et  hanc  terram  possedimus  eo  tempore  ab  Aroer,  quae  sita  erat  ad  torrentem  Arnon:  et  dimidium  montis  Galaad,  et  urbes  eius  dedi  Bubenitis  et  Gaditis.  13.  Besiduum  vero  Galaad,  et  universam  Basan  regni  Og  dedi  dimidiae  tribui  Manasse,  et  omnem  regionem  Argob,  totam  Basan  quae  vocabatur  terra  gigantum.  14.  Iair  filius  Manasse  cepit  omnem  regionem  Argob,  usque  ad  terminum  Gesuri  et  Maachathi:  et  vocavit  eas  secundum  nomen  suum  Basan  Havoth  Iair  usque  ad  diem  istam.  15.  Porro  ipsi  Machir  dedi  Galaad:  16.  Bubenitis  vero  et  Gaditis  dedi  Galaad,  usque  ad  torrentem  Arnon,  medium  torrentis,  et  terminum:  et  usque  ad  Iabboc  torrentem  terminum  filiorum  Ammon:  17.  Planitiem,  et  Iordanem,  et  terminum  a  Chinnereth  usque  ad  mare  planitiei,  mare  salis,  sub  effusionibus  aquarum  collis  ad  Orientem.  18.  Praecepique  vobis  eo  tempore,  dicendo:  Iehova  Deus  vester  dedit  vobis  terram  istam,  ut  possideatis  eam,  accincti  armis  transibitis  ante  fratres  vestros  filios  Israel,  quotquot  robusti  estis.  19.  Tantummodo  uxores  vestrae,  et  parvuli  vestri,  et  pecudes  vestrae  (novi  quod  pecora  multa  sint  vobis)  remanebunt  in  urbibus  vestris  quas  dedi  vobis:  20.  Donec  requiem  dederit  Iehova  fratribus  vestris  sicut  vobis,  et  possideant  ipsi  etiam  terram,  quam  Iehova  Deus  vester  dat  eis  trans  Iordanem:  tunc  revertimini  singuli  ad  possessionem  suam  quam  dedi  vobis.  12.  Et  hanc  terram.  Hoc  loco  decretum  suum  confirmat,  ut  Rubenitis,  et  Gaditis,  et  dimidiae  tribui  Manasse  rata  sit  terrae  possessio  trans  Iordanem.  Quoniam  enim  illis  extra  sortem  obtigerat,  potuit  res  in  controversiam  trahi  apud  posteros.  Ergo  ne  quis  molestiam  facessat,  iterum  asserit  legitimos  esse  regionis  illius  dominos.  Porro  quia  litigiosa  esse  poterat  ipsa  donatio,  eo  quod  terra  illa  extra  fines  haereditatis  a  Deo  promissae  sita  esset:  hanc  quoque  obiectionem  praevenit  Moses,  quod  Deus  suo  populo  non  frustra  possidendam  dederit:  unde  sequitur  ius  habitandi  fuisse  permissum.  Iam  ne  in  contentionem  vocetur  partitio  tanquam  inaequalis,  omni  ex  parte  terminos  illis  assignat,  ac  si  Dei  autoritatem  instar  valli  et  aggeris  opponeret,  ne  cui  fas  esset  irruptionem  facere.  Quod  ad  nomina  locorum  spectat,  mare  salis  vocatur  mortuum.  Chinnereth  autem  lacus  Genesara,  vel