20:330  non  Essentia  aliqua  extranea  communis  tribus  sit,  sed  quod  Pater  principium  et  scaturigo  sit  Deitatis,  ex  qua  Filius  generatione  et  Spiritus  Sanctus  processione  tanquam  ex  communicatione  paterna  suum  esse  accipiant.  Sicut  Filius  inquit,  omnia  mihi  tradita  sunt  a  Patre  meo.  Et  quod  a  Patre  sit  omnis  paternitas  in  coelo  et  in  terra.  Allata  praeterea  non  ita  pridem  est  ad  nos  Epistola  Praestantiae  tuae,  in  qua  illa  verba  scripta  exstant:  ^Precatio  vulgo  trita,  Sancta  Trinitas  unus  ,,Deus  miserere  nostri,  mihi  non  placet,  ac  omnino  .barbariem  sapit."  Id  quod  etiam  isti  avide  arripuerunt,  et  ad  firmitatem  caussae  suae  sumere  et  usurpare  solent.  Deinde  et  illud  paulo  inferius,  quod  in  reprehensionem  delirii  Stancariani  eadem  P.  T.  ibidem  dicit:  wUnus  Deus  et  Unus  Mediator,  id  est  Trinitas.  Item,  ut  cognoscant  te  unum  ,,Deum,  id  est,  Trinitatem.  Credite  in  Deum,  id  ,,est,  in  Trinitatem.  Quicquid  petieritis  a  Patre,  ,,id  est,  a  Trinitate,  non  modo  tanquam  insipidum,  ,,sed  prophanum  quoque  repudiamus."  Quae  verba  ex  epistola  P.  T.  isti  avide  quoque,  ut  dicimus,  arripuerunt.  Ac  velim  nobis  credat  P.  T.  hoc  genus  dogmatis  alte  radices  egisse  in  Polonia  :  praecipua  enim  Nobilitas  et  praecipui  Ministri  istam  magno  spiritu  tuentur  opinionem.  Nos  tamen  hactenus  nostros  ministros  in  officio  continuimus.  Eorum  tamen  impulsu  haec  ad  te  scribimus,  qui  se  non  semel  nobis  declararunt,  nihil  se  ista  caussa  videre,  quod  a  Prophetica  et  Apostolica  sententia,  tum  et  a  vetusta  puritate,  et  a  principiis  solidae  Theologiae  exorbitet.  Alii  porro  ex  nostris  evangelicis  sunt,  qui  usitata  illa  vocabula  per  omnia  retinenda  esse  existimant,  trinitatis,  essentiae,  personae,  Deus  trinus  in  personis  et  unus  in  essentia,  et  id  genus.  Nec  existimet  P.  T.  levem  esse  hanc  inter  partes  contentionem.  Nam  et  hanc  sententiam  maximi  quique  in  Polonia  viri  mordicus  tuendam  sibi  suscipiunt,  alteram  vero  tanquam  profanam  et  haereticam  non  modo  reiiciunt,  sed  et  inspectione  cognitioneque  eam  non  dignantur.  Quin  illis  quodammodo  religio  est  intelligere  cognoscereque  causam  hanc.  Abhorrent  itaque  a  ministerio  istorum,  quin  et  a  mutua  consuetudine  et  commercio  alterius  partis,  et  geritur  res  magna  contentione  et  animorum  acerbitate,  gliscunt  simultates  et  odia,  et  res  omnino  ad  seditionem  spectare  videtur.  Exultant  et  insultant  utrique  parti  papistae.  Regia  etiam  Maiestas  ab  illis  incenditur,  nec  desunt  ministri  pseudotrinitariorum  (sic  enim  eos  vocant)  qui  frigidam  suffundunt,  et  exacuunt  animos  istorum.  Id  quod  novissime  accidit  in  publico  omnium  ordinum  conventu,  ubi  quidam  minister,  quum  multa  de  vocabulis  trinitatis,  essentiae,  personae,  Dei  trini  unius  et  unius  trini,  disseruisset  et  docuisset  vocabulum  trinitatis  ex  voca-