9:33  33  DOCTRINAE  DE  SACRAMENTIS.  U  tualem  in  animas  nostras  vitam  Christus  instillat:  eam  quoque  a  nobis  manducari,  dum  in  corpus  unum  fide*)  cum  Christo  coalescimus,  ut  noster  factus  nobiscum  sua  omnia  communicet.  De  locali  praesentia  *)  miror  si  censores  nostros  non  pudeat  certamen  movere.  Sed  quum  Christi  corpus  negent  locorum  spatiis  circumscribi,  immensum  esse  volunt.  Quid  autem  nos?  Nempe  in  coelo  quaerendum  esse,  quod,  teste  scriptura,  eum  capit  donec  in  iudicium  appareat  (Act.  3,  21).  Neque  tamen  est,  cur  nos  ideo  quisquam  invidia  gravet,  ac  si  abesse  a  nobis  fingamus,  membraque  separemus  a  capite.  Certe  si  Paulo  dicere  licuit,  nos  a  Domino  peregrinari,  quamdiu  sumus  in  mundo  (2  Cor.  5,  6):  eadem  quoque  ratione  dicemus,  quadam  absentiae  specie  nos  ab  eo  disiungi:  quatenus  scilicet  a  coelesti  eius  domicilio  nunc  distamus.  Abest  igitur  Christus  a  nobis  secundum  corpus:  2)  spiritu  autem  suo  in  nobis  habitans,  in  coelum  ad  se  ita  nos  attollit,  ut  vivificum  carnis  suae  vigorem  in  nos  transfundat,  non  secus  ac  vitali  solis  calore  per  radios  vegetamur.  Quod  dicere  solent,  invisibilem  nobiscum  esse,  perinde  valet,  ac  si  forma  eius  in  coelo  reposita,  substantiam  carnis  dicerent  in  terra  residere.8)  Atqui  sensus  pietatis  clare  dictat,  non  aliter  vitam  ex  carne  sua  in  nos  stillare,  quam  dum  totus  secundum  corpus  in  coelo  manens  ad  nos  sua  virtute  descendit.  Eodem  referri  convenit,  quae  paulo  post  atteximus  :4)  ista  exceptione  non  tantum  refelli  quam  [pag.  48]  papistae  commenti  sunt  transsubstantiationem,  sed  tam  crassa  omnia  figmenta,  quam  futiles  argutias,  quae  vel  coelesti  Christi  gloriae  derogant,  vel  naturae  humanae  veritati  minus  sunt  consentaneae.  Haec  quoque  exceptio  quam  non  de  nihilo  addita  fuerit,  pluribus  disserere  nihil  attinet.  Alii  ut  immensum  faciant  Christi  corpus,  corporis  illi  naturam  eripiunt.  Alii  sub  mortuo  elemento  includunt  eius  deitatem.  Verum  si  quis  inscitia  lapsus  est,  si  alter  fervore  contentionis  abreptus  inconsiderate  aliquid  effutivit,  sepultum  maneat.  Homines  ipsos  non  exagito  neque  insector:  sicuti  neque  vexavimus  quemquam  in  nostro  scripto:  sed  ansam  erroribus  praecidere  satis  habuimus.  Quis  nobis  succenseat,  si  Christo  manere  salvum  cupimus  et  integrum  quod  utriusque  naturae  est,  ne  laceretur  mediator  ille  qui  nos  Deo  coniungit?  Immensitas  quam  imaginantur  in  Christi  carne,  prodigiosum  spectrum  est,  quod  spem  resurrectionis  evertit.  Nam  ubi  omnia  effutiverint  de  coelestis  vitae  qua-  *)  Fidei  vocabulum  suadente  Bullingero  additum  est  1)  Add.  qui  est  d'attacher  ou  enclorre  Iesus  Christ  au  pain.  2)  Add.  de  telle  distance  qu'il  y  a  du  ciel  a  la  terre.  3)  et  qu'ils  nous  forgeassent  une  substance  cachee  laquelle  residast  par  tout  le  monde  sans  avoir  lieu  ni  siege  propre.  a)  attexuimus  Beza  et  Amst.  nous  adioustons  en  nostre  accord.  Calvini  opera.  Vol  IX