8:33  33  DE  SCANDALIS.  U  ultima  internecio  appareat.  Sub  Persarum  imperio,  tametsi  eorum  conditio  fuerit  tolerabilis,  tamen  velut  oves  mactationi  destinatae,  parum  a  macello  interdum  abfuerunt.  Ne  immanem  suum  impetum  in  eos  profunderet  Alexander,  coelesti  oraculo  cohibitus  fuit.  Quum  vero  post  eius  mortem  Syriae  et  Aegypti  reges,  quasi  truculentae  bestiae  in  rabiem  accensae,  mutuo  se  discerperent,  nec  ullus  esset  ultro  citroque  saeviendi  finis,  quis  gentem  in  medio  sitam  et  utriusque  libidini  expositam  diu  fore  superstitem  sperasset?  Nec  sane  tot  ac  tam  variis  cladibus  deiecta  stetisset,  nisi  Deum  habuisset  custodem,  manuque  eius  suffulta  esset.  Tandem  sub  dira  Antiochi  tyrannide,  quasi  in  profundum  gurgitem  demersa,  nullam  amplius  lucis  scintillam  in  toto  mundo  habet.  Tota  regio  sanguine  innoxio  exundat.  Hierosolyma  horrenda  cadaverum  1)  strage  quasi  pavimento  sternitur.  In  templo  collocatur  exsecrabile  idolum.  Abolitis  Dei  institutis  profani  ac  degeneres  gentium  ritus  regnum  occupant.  In  ignem  proiiciuntur  sacri  omnes  libri,  ut  Dei  veritas  ex  hominum  memoria  penitus  excidat.  Quisquis  hiscere  audet,  imo  quisquis  dolore  ingemiscit,  ac  non  potius  se  perfida  simulatione  contaminat,  protinus  ad  lanienam  protrahitur.  Maccabaei,  cum  manu  a  se  collecta,  in  cavernis  montium  vagi  et  inopes  inter  feras  latent.  Quod  in  tanta  desperatione  manent  tamen  reliquiae  piorum,  quae  postea  emergant,  quis  neget  admirabili  Dei  providentia  fuisse  servatas?  [pag.  39]  Quod  Moisis  et  prophetarum  libri  ex  illis  flammis  2)  illaesi  evadunt,  quis  humanae  custodiae  tribuat?  Denique  temporum  illorum  historia  longe  certius  testatam  nobis  Dei  providentiam  facit  in  protegenda  ecclesiae  salute,  quam  si  magnificos  de  omnibus  populis  superbosque  triumphos  egisset.  Idem  et  aliae  quae  postea  contigerunt  perturbationes  spectaculum  nobis  praebent.  Nam  quum  usque  ad  Christi  adventum,  nunc  externis  bellis,  nunc  intestinis  factionibus,  nunc  barbara  principum  libidine,  quasi  assiduo  rotatu  vexati  raptatique  fuerint  Iudaei,  factum  est  tamen  singulari  Dei  beneficio,  ut  ecclesia  inter  istas  turbulentas  conversiones  in  suo  gradu  steterit.  Hic  nobis  in  mentem  veniant  tot  sancti  viri,  imo  et  mulieres,  quibus  earum  quas  recensui  calamitatum  devoranda  fuit  indignitas.  Nonnullis,  qui  ad  provectam  usque  aetatem  vixerunt,3)  necesse  fuit  per  longas  et  multiplices  malorum  ambages  errare,  et  tandem  anxie  mori,  quum  nullum  exitum  viderent.  Haec  sane  erant  scandala  quae  a  lecto  cursu  depellere  ipsos  possent.  Et  tamen  fide  eluctati  1)  des  corps  de  ceux  qui  sont  tues  pour  maintenir  la  loi  de  Dieu.  2)  apres  qu'on  en  a  brusle  toutes  les  copies  qu*  se  trouvoyent.  3)  Sic  princeps  et  1551.  Beza  et  Amst:  vixerant  Calvini  opera.  Vol  VIII.